Á­varpar norsku þjóðina í fyrsta skipti sem konungur

Haraldur fimmti Noregskonungur lést í gærmorgun og varð Hákon sonur hans þar með konungur Noregs. Í tilkynningu á heimasíðu konungsfjölskyldunnar segir að Hákon konungur muni flytja ræðuna klukkan fimm að íslenskum tíma.

Hægt er að fylgjast með ræðunni hér á heimasíðu norska ríkisútvarpsins.

Haraldur hafði verið konungur frá árinu 1991. Heilsu hans hafði hrakað hratt á undanförnum dögum en hann var 89 ára gamall. Hákon og Ingiríður Alexandra, dóttir hans og ný krónprinsessa Noregs, funduðu með ríkisstjórn Noregs á ríkisráðsfundi í konungshöllinni í gær. 

Hákon heldur nafninu sínu og verður sá áttundi auk þess sem hann heldur sömu kjörorðum og faðir hans, afi og langafi. Þau orð eru „Alt for Norge“.