Lið Björg­vins Karls komið upp í þriðja sætið

Norska liðið Crossfit Oslo Kriger með Björgvin Karl Guðmundsson innanborðs náði að koma sér í þriðja sæti liðakeppninnar á heimsleikunum í CrossFit. Það má þó segja að efstu tvö liðin séu að vinna með yfirburðum en liðið í öðru sæti er hundrað stigum yfir norska liðinu.

Íslenska liðið Crossfit Reykjavík átti ekki góðan dag í gær og féll liðið niður í tíunda sætið af 20. Það var mikill vandræðagangur hjá liðinu sem var neðarlega í báðum greinum gærdagsins. Með góðri frammistöðu í dag getur liðið þó hækkað á stigatöflunni.

Bergrós Björnsdóttir er eini íslenski keppandinn í einstaklingshluta heimsleikanna í CrossFit í ár og náði hún að fara upp um eitt sæti eftir gærdaginn. Hún er þó aðeins sex stigum fyrir ofan Aline Wirz í sætinu fyrir aftan.

Síðasti dagur heimsleikanna er í dag og munu úrslitin ráðast um hver verður hraustasti maður og kona í heimi ásamt því hvaða lið er hraustasta lið í heimi.