Tólf fórust þegar flug­vél hrapaði í Missouri

Um var að ræða einkaflugvél sem sneri við eftir flugtak frá Butler Memorial-flugvellinum í bænum Butler í Missouri og hrapaði svo skammt frá flugvellinum. Atvikið átti sér stað um hundrað kílómetrum suður af Kansas-borg en um 4.300 búa í Butler.

Staðarmiðillinn FOX4 og fréttastofa CBS greina frá þessu og hafa eftir viðbragðsaðilum. Barst þeim tilkynning um að flugvélin hefði hrapað og stæði í ljósum logum um klukkan 11:30 að staðartíma eða 17:30 að íslenskum tíma. 

Flugmálastofnun Bandaríkjanna og Rannsóknarnefnd samgönguslysa eru á vettvangi og kanna hvort einhverjir fallhlífarstökkvarar hafi verið búnir að stökkva út áður en flugvélin hrapaði.

Lítið liggur fyrir um orsök slyssins eða hvers vegna flugmaðurinn sneri vélinni við eftir flugtak. Búið er að loka fyrir umferð um Business 49-hraðbrautina nærri flugvellinum um óákveðinn tíma.