Há­grét þegar fyrsti risatitillinn var í höfn

Zverev hóf leik dagsins af miklum krafti og vann fyrsta settið 6-1. Ítalinn Cobolli, sem var í úrslitum á risamóti í fyrsta sinn, svaraði með 6-4 sigri í öðru setti. Zverev vann næsta 6-4 og var því aðeins einu frá titlinum.

Mikil spenna var í fjórða settinu en Cobolli hafði það 7-5 eftir upphækkun og því tók við úrslitasett. Leikurinn var farinn að telja um fjórar klukkustundir í fimmta og síðasta settinu og þar var Zverev töluvert sterkari.

Zverev vann oddasettið 6-1 og þegar sigur hans var vís féll hann hágrátandi til jarðar. Langur vegur er að baki hjá þessum 29 ára gamla Þjóðverja sem er að vinna risamót í fyrsta sinn á ferlinum. Hann tapaði í úrslitum á Opna franska árið 2024, tapaði einnig í úrslitum á Opna ástralska í fyrra og á US Open árið 2020.

Zverev er í 127. sæti á heimslista tennisins og má því segja að sigurinn sé óvæntur en flestar stærstu stjörnurnar féllu út snemma á mótinu í ár.