Mourinho kynntur til leiks eftir kosningar

Frá þessu greina flestir áreiðanlegustu miðlar Spánar. Madrídarmiðillinn AS segir Real Madrid hafa gengið frá kaupsamkomulagi við Benfica í gær upp á 7 milljónir evra fyrir þjálfarann.

Málin flækjast þó aðeins því þessa stundina er forsetinn Florentino Perez í kosningabaráttu og í fyrsta sinn á sínum ferli með mótframboð. Enrique Riquelme hefur skorað Perez á hólm en sitjandi forsetinn þykir mun sigurstranglegri.

Mourinho er sagður búinn að skrifa undir þriggja ára samning en vegna forsetakosninganna verður hann ekki kynntur fyrr en að þeim loknum, í fyrsta lagi 7. júní, og ef svo ólíklega vildi til að Perez tapaði kosningum er framtíðin óráðin.

Perez ákvað að taka málin í sínar eigin hendur þetta tímabilið. Á síðasta ári leiddi framkvæmdastjórinn Jose Angel Sanchez viðræður við Xabi Alonso en sú ráðning misheppnaðist og Real Madrid tók annað tímabil án titils.

Mourinho stýrði Real Madrid áður frá 2010-13, setti stigamet í spænsku deildinni og varð bikarmeistari tvisvar.