Vaktin: Austanbylur annan í páskum

Fyrstu viðvaranir tóku gildi klukkan 7 í morgun á Suðurlandi þar sem djúp lægð nálgaðist úr suðvestri og veldur austan byl í dag. 

Veðurviðvaranir ná til allra landshluta þar sem búast má við austanvindi upp á 15-28 m/s með snörpum vindhviðum. Einnig má búast við snjókomu eða skafrenningi með slæmu skyggni og versnandi færð. Um er að ræða varasamt ferðaveður.

Upp úr hádegi voru viðvaranirnar á Suðurlandi færðar upp á appelsínugult og um klukkan 13 tóku gular viðvaranir gildi á höfuðborgarsvæðinu og síðan á Norðurlandi, Vesturlandi og Austurlandi. Faxaflói var færður upp á appelsínugult klukkan 14. Um miðnætti falla flesta viðvaranir úr gildi nema á Norðaustur- og Austurlandi þar sem þær falla úr gildi klukkan 3 í nótt.

Mun veðrið hlýna smám saman, samkvæmt hugleiðingum veðurfræðings hjá Veðurstofu Íslands. Seint í dag fari úrkoman yfir í slyddu eða rigningu sunnantil og í nótt stytti upp norðanlands.

Ef vaktin birtist ekki hér fyrir neðan er ráðlagt að endurhlaða síðunni.