„Patriots gull­öldin er því miður að koma aftur“

„Patriots gullöldin er því miður að koma aftur“ bætti hann við en þetta verður fyrsta Ofurskálin sem New England liðið keppir í síðan Tom Brady fór.

Henry Birgir og stjórnandi þáttarins, Andri Ólafsson, sammæltust um að Patriots væru líklegri til sigurs í kvöld. Þó um tvö mjög jöfn lið væri að ræða myndu klókindi þjálfarans Mike Vrabel og stjörnufaktor leikstjórnandans Drake Maye standa ofar.

Eiríkur Stefán Ásgeirsson mótmælti því, eða sagði tíma Drake Maye í það minnsta ekki kominn enn.

„Ég verð bara að horfast í augu við þá staðreynd að Drake Maye hefur átt mjög misjafna leiki og þó mér finnist Patriots vörnin góð þá er Seahawks vörnin betri. Ég held að það muni skipta mestu máli, Drake Maye þarf að komast yfir það að spila á móti þessari sterku Seahawks vörn og ég held að hann nái ekki að stíga það skref núna“ sagði Eiríkur.

„Ég er alveg sammála því að Patriots eru að sigla inn í einhvern áratug þar sem ansi mikið gott mun gerast, en akkúrat núna í þessum leik þá er Seahawks vörnin aðeins of stór biti fyrir Drake Maye“ bætti hann við.

Umræðuna um Ofurskálina má finna í spilaranum hér fyrir neðan.