Spila jóla­lög allan sólar­hringinn fram að jólum

„Við viljum færa hlustendum jólastemminguna beint í bílinn, heim í stofu eða með í vinnuna. Létt Bylgjan hefur fest sig í sessi sem jólastöð allra landsmanna undanfarin ár og við hlökkum til að bjóða hlustendum upp á enn betri og jólalegri Létt Bylgju þetta árið,“ segir Stefán í samtali við Vísi.

En hvað vill hann segja við þá sem finnst aðeins of snemmt að byrja að spila jólalög nú, þegar tveir mánuðir eru í jólin?

„Ég er nú þegar búinn að fá nokkra tölvupósta þar sem spurt er hvenær við byrjum að spila jólalög á Létt Bylgjunni, svo ég held að allavega mestu jólabörnin í landinu séu löngu tilbúin,“ segir hann.

Stöðin breyttist í jólastöðina klukkan 8.

Vísir og Létt Bylgjan eru í eigu Sýnar.