Klassískur ítalskur réttur sem allir elska

„Þessi klassíski ítalski pastadiskur sem við þekkjum öll og allir einfaldlega elska. Það skiptir engu máli hvort þú bíður vinum yfir í notalega stund, græjar fljótt og vel fyrir börnin eða nýtur hans í rólegheitunum um helgina – Pasta al Pomodoro á alltaf við,“ skrifar Ása og deilir uppskriftinni á Instagram.

Pasta al Pomodoro

Hráefni:

• Spaghetti
• Fersk basilsósa
• Ilmandi basilika
• Parmesanostur
• Rjómakenndur burrata 
• Þín uppáhalds ólífuolía

Aðferð:

1. Sjóðum vel af vatn í stórum potti og söltum með grófu salti þegar suðan kemur upp.

2. Setjum spaghetti í pottinn og sjóðum þar til “al dente”.

3. Hitum næst basilsósu á pönnu, bætum smá ólífuolíu við og leyfum að búbbla á vægum hita á meðan spaghetti-ið sýður.

4. Þegar spaghetti-ið er soðið “al dente” bætum við því á pönnuna ásamt smá pastavatni.

5. Veltum spaghetti-inu uppúr basilsósunni þannig að það blandast vel saman.

6. Að lokum setjum við spaghetti-ið á disk og berum fram með þinni uppáhalds ólífuolíu, parmesanostinum og ferskri basiliku.

7. Til að gera diskinn örlítið fínlegri má tilla einum burrata með líka og njóta!