Ursula von der Leyen kemur til Ís­lands

Samkvæmt tilkynningu forsætisráðuneytisins var efnt til heimsóknarinnar í kjölfar fundar Kristrúnu með von der Leyen í Brussel í apríl.

Tilgangur heimsóknar framkvæmdastjórans er til að ræða stöðu alþjóðamála, öryggis- og varnarmála, viðskiptamála, almannavarna og loftslagsmála.  Ráðherrarnir munu funda með framkvæmdastjóranum á öryggissvæði á Keflavíkurflugvelli. Þá mun von der Leyen leggja leið sína til Grindavíkur þar sem hún mun skoða varnargarðana í Svartsengi. Á dagskránni er einnig heimsókn á Þingvelli. 

„Þessi vinnuheimsókn er til marks um aukið samstarf Íslands og Evrópusambandsins á vettvangi öryggismála og er liður í stefnu ríkisstjórnarinnar um að skerpa sýn helstu bandamanna okkar á viðvarandi öryggisáskoranir á norðurslóðum og í Norður-Atlantshafi,“ er haft eftir Kristrúnu Frostadóttur forsætisráðherra í tilkynningunni.