Allt að verða klárt fyrir Sjó­manna­daginn

„Það er allt á útopnu í undirbúningi sjómannadagsins víða um land og við erum að gera allt klárt úti a Granda fyrir þær fjölskyldur sem vilja koma og fagna með sjómönnum,“ segir Aríel Pétursson, formaður Sjómannadagsráðs.

Nefndin leggur í ár að hans sögn mikla áherslu á að hátíðargestir kynnist sjómennsku, sjávarútvegi og höfninni í gegnum leik og fræðslu

„Svo er mikið framboð af annars konar afþreyingu. Það verður hægt er að skella sér í siglingu með varðskipi Landhelgisgæslunnar frá Ægisgarði, við hvalveiðiskipin, og skella sér svo út á grandagarð í hátíðarhöldin, þar sem skoða má furðufiska, smíða sér bát, sjá VÆB bræður, Birni, Jóhönnu Guðrúnu, leikhópa ýmis konar og svo fylgjast með hraustum krökkum keppa í klifri yfir haffletinum. Sjáumst hress á morgun,“ segir Aríel.

Hátíðarhöldin í Reykjavík hefjast með skrúðgöngu klukkan 12:30 þar sem gengið verður frá Hörpu að hátíðarsvæðinu. Dagskrá má finna á heimasíðu sjómannadagsins í Reykjavík.