Byggja nýjan leik­skóla í Kópa­vogi

Leikskólinn mun rísa við Skólatröð við hlið Kópavogsskóla. Á leikskólanum eiga að vera þrjár deildir fyrir nemendur á aldrinum tveggja til sex ára og eiga um sextíu börn að fá pláss.

Framkvæmdir á svæðinu eru við það að hefjast en segir í tilkynningu Kópavogsbæjar að mikið verði lagt upp úr því að tryggja öryggi vegfarenda á meðan. Aðkoma að Kópavogsskóla frá Skólatröð verði lokað á meðan leikskólinn er í byggingu.

Einnig hefur gagnbraut við Háveg verið færð til auk bílastæða kennara við Kópavogsskóla sem verða nú við Digranesveg og Vallatröð.