Fyrstu lotu læknaverkfalls af­lýst

Fundur samninganefndar ríkis og lækna stendur enn yfir í karphúsinu en gert er ráð fyrir að haldið verði áfram á morgun.

„Við erum bara tæknileg hérna, tæknileg útfærsla á því sem við eigum eftir er tímafrek. Við hefðum auðvitað viljað klára það í kvöld en við náum því ekki,“ segir Ástráður.

Fundurinn fer að klárast og gert er ráð fyrir því að þráðurinn verði tekinn upp á morgun.

Í tölvupósti Læknafélagsins til félagsmanna segir að viðræður við ríkið hafi þokast langt í samkomulagsátt. Þess vegna sé það mat samninganefndar að í þessari stöðu sé hið rétta að aflýsa fyrstu lotu verkfallsins, sem átti að hefjast nú á miðnætti.

Fréttin hefur verið uppfærð.