Innlent

Málningu kastað og ryskingar við sendi­ráðið

Sólrún Dögg Jósefsdóttir skrifar
Mótmælin báru yfirskriftina „Eitt ár af baráttu!“.
Mótmælin báru yfirskriftina „Eitt ár af baráttu!“. Vísir/Ívar Fannar

Mótmælendur sem kröfðust aðgerða í málefnum Palestínu fyrir utan bandaríska sendiráðið við Engjateig skvettu málningu á vegg sendiráðsins fyrr í dag. Þá virðist hafa komið til smávægilegra átaka milli lögreglu og mótmælenda. 

Af myndefni af vettvangi má sjá að til átaka kom milli mótmælenda og lögreglumanna við sendiráðið. Þá sést mótmælandi liggja í jörðinni meðan lögreglumenn standa yfir honum. Mótmælendur og lögreglumenn sjást ýta hvorn í annan. 

Ásmundur Rúnar Gylfason aðstoðaryfirlögregluþjónn segir komið hafi til ryskinga milli mótmælenda og lögreglumanna í samtali við fréttastofu. Enginn hafi þó verið handtekinn og allt farið vel. 

Félagið Ísland Palestína stóð fyrir mótmælunum, en tilefni þeirra var að á mánudaginn er eitt ár liðið frá því að Ísraelar lýstu yfir stríði á hendur Palestínu. Í lýsingu Facebook-viðburðar mótmælanna segir að með þeim sé réttlætis of frelsis fyrir Palestínu og Líbanon krafist.

Mótmælendur skvettu málningu á vegg sendiráðsins. Vísir/Ívar Fannar

Átök í Ísrael og Palestínu Palestína Lögreglumál Sendiráð á Íslandi Reykjavík

Mest lesið


Fleiri fréttir

Sjá meira


×

Mest lesið