Hraun gæti náð Reykja­nes­braut og um­deild aug­lýsing Play

Tilkynnt var um þrjár líkamsárásir á Ljósanótt, tónlistar- og bæjarhátíð í Reykjanesbæ í gærkvöldi. Lögregla mun tvöfalda viðbúnað sinn á hátíðinni í kvöld. 

Klæðing hefur fokið af kafla vegarins um Mývatns- og Möðrudalsöræfi. Vindhviður náðu allt að 37 metrum á sekúndu í gær og segir upplýsingafulltrúi Vegagerðarinnar fólk verða að aka varlega um svæðið. Gert verður við veginn eftir helgi.

Forstöðumaður samskipta og markaðssviðs Play segir umdeilda auglýsingu flugfélagsins gerða til að vekja athygli á skemmtilegan hátt. Ekki sé hægt að segja að hún sýni neinn í neikvæðu ljósi.

Þetta og margt fleira í hádegisfréttum Bylgjunnar á slaginu 12.