Rúnar Ingi skiptir um stól í Njarð­vík

Undir stjórn Rúnars Inga er kvennalið Njarðvíkur nú komið alla leið í úrslitaeinvígi Subway deildarinnar gegn Keflavík. Einvígið hefst á fimmtudaginn kemur og munu það vera síðustu leikir liðsins undir stjórn Rúnars. 

Benedikt Guðmundsson stýrði sínum síðasta leik með karlalið Njarðvíkur í gærkvöldi, oddaleik gegn Val í undanúrslitum Subway deildar karla. Leikur sem tapaðist og staðfesti Benedikt það í viðtali eftir leik að hann væri að hætta með liðið. 

Á sama tíma bendir margt til þess að Einar Árni Jóhannsson, sem lét af störfum sem annar þjálfara Hattar á dögunum, sé nálægt því að taka við kvennaliði Njarðvíkur. 

Einar Árni er öllum hnútum kunnugur hjá Njarðvík. Hann hefur á sínum ferli bæði stýrt karla- og kvennaliði félagsins. Gerði karlaliðið meðal annars að Íslandsmeisturum árið 2006.