„Fer ekki á milli mála að ég er að syngja um stráka“ Dóra Júlía Agnarsdóttir skrifar 29. apríl 2024 12:01 Tónlistarmaðurinn TORFI var að senda frá sér sína fyrstu EP plötu. Instagram @torfitomasson „Textarnir mínir fjalla um mína upplifun af ástinni og þar fer ekki á milli mála að ég sé að tala um stráka,“ segir tónlistarmaðurinn Torfi Tómasson eða TORFI. Hann sendi frá sér sína fyrstu breiðskífu á sumardaginn fyrsta. Platan ber titilinn EITT og er tilraunakennd poppplata sem inniheldur hinsegin ástarljóð, samin fyrir hinsegin klúbba sem að fyrirfinnast ekki á Íslandi. Upphefur hinseginleika og kvenleika Allt frá því Torfi hreppti annað sætið í Músíktilraunum 2023 hefur hann verið iðinn við að gefa út og spila nýja tónlist. Hann var tilnefndur í flokki „Ones To Watch“ á tónlistarverðlaunum The Reykjavík Grapevine á árinu og söng bakraddir á nýjasta lagi Páls Óskars, Elskar þú mig ennþá? TORFI hefur gaman að því að koma fram og er bæði í tónlist og dansi. Aðsend Hér má heyra lagið EITT af samnefndri plötu: Klippa: TORFI - EITT „Ég sæki mikinn innblástur í hinsegin samfélög vestanhafs og í Evrópu sem eru talsvert umfangsmeiri en hér heima. Með því að setja þessa menningarheima og tónlistarstefnurnar sem þeim fylgja í íslenskt samhengi kveiki ég kannski einhvern vonarneista um að þeir gætu átt sér hliðstæður hér á landi í framtíðinni. EITT upphefur hinseginleika og kvenleika á tímum þar sem mikið bakslag hefur orðið í málefnum hinsegin fólks og er því um pólitískt popp að ræða.“ View this post on Instagram A post shared by TORFI (@torfitomasson) Tónlistin og dansinn eitt Torfi segir sömuleiðis mikilvægt að hinsegin raddir fái að heyrast. „Hinsegin fólk upplifir heiminn á allt annan hátt en aðrir og það finnst mér vera einn stærsti kosturinn við hinseginleikann. Okkar upplifanir eru einstakar og þær eiga að fá að heyrast. Textarnir mínir fjalla um mína upplifun af ástinni og þar fer ekki á milli mála að ég sé að tala um stráka.“ Torfi stundar sömuleiðis nám við samtímadansbraut Listaháskóla Íslands. Kaja Sigvalda Ásamt því að vera að gefa út tónlist og koma fram stundar Torfi nám við Listaháskóla Íslands á alþjóðlegri samtímadansbraut. Á sviði sameinar hann bæði listformin og býr til upplifanir sem eru jafn sjónrænar og þær eru hljóðrænar. „Fyrir mér er tónlistin og dansinn mismunandi birtingarmyndir af sama hlutnum. Ég bý til tónlist sem ég vil dansa við og öfugt en ég held að áhrifin þar á milli séu mjög ómeðvituð. Þegar öllu er á botninn hvolft er þetta allt saman hreyfingar í tíma og rúmi, tekið upp eða flutt fyrir áhorfendur.“ Platan er að sögn Torfa gerð til þess að ögra, skemmta, fá fólk til að hugsa sig um og gleyma sér allt á sama tíma. „Upplifa einhverskonar gyllt, silfrað, glitrandi frelsi,“ segir Torfi að lokum. Hér má hlusta á plötuna á streymisveitunni Spotify. Hinsegin Tónlist Menning Mest lesið Arna Ýr uppljóstrar um kostnað brúðkaupsins Lífið Segir lúsmýið ekki biðja um of mikið Tónlist Birtu nýja stiklu fyrir Rings of Power Lífið „Ég ætla ekki að þegja lengur“ Lífið Björk með besta atriði í sögu Ólympíuleikanna Tónlist Nýtur lífsins áhyggjulaus í áhrifavaldaferð í Króatíu Tónlist Tónlistarmaður selur eina glæsilegustu eign Hafnarfjarðar Lífið Hefur lifað tveimur lífum Lífið Ógleymanleg gleðivíma að koma út Tónlist Birti bikinímynd af sér áður en það verður um seinan Lífið Fleiri fréttir Segir lúsmýið ekki biðja um of mikið Hass, rokk og hóstasaft Nýtur lífsins áhyggjulaus í áhrifavaldaferð í Króatíu Björk með besta atriði í sögu Ólympíuleikanna Fyrsta lagið sem Nýdönsk gefur út í þrjú ár Ógleymanleg gleðivíma að koma út Four Tops söngvarinn Abdul „Duke“ Fakir látinn Óvænt að heyra að fólkið á LungA hafi alist upp við Hjaltalín Iceguys snúa aftur í sturluðu tónlistarmyndbandi Myndaveisla: Almennilegt rigningardjamm á Kótelettunni Iceguys dansandi í handjárnum Retro Stefson koma aftur saman Portú-galin stemning hjá Villa Netó Herbert og Patrik leika við hvern sinn fingur í nýju myndbandi Þurfti að vinda skyrtuna eftir tryllt gigg í Víetnam Lætur langþráðan draum rætast og gefur út óð til grínsins Hugmyndin var að kveikja bókstaflega í Emmsjé Gauta Lesbíska dragdrottningin sem er að sigra tónlistarheiminn Sterk sumarást í sveitinni kveikti áhugann á þýskunni Kenndi Kelly Clarkson að bera fram Laufey og Björk Ungstirni gefur út sitt fyrsta lag DJ goðsögn stýrði trylltum dansi „Fólkið er kjarni Þjóðhátíðar og ég vildi sýna það“ Er ósigrandi á sviði og sækir orkuna niður í jörð Nýjasta súperstjarna heimsins „Stefni út í heim og er með stóra drauma“ Scooter til landsins með risatónleika í Laugardalshöll Maðurinn sem uppgötvaði Bieber kveður bransann Öxar við ána nú til í salsaútgáfu Lofar svakalegri veislu Sjá meira
Upphefur hinseginleika og kvenleika Allt frá því Torfi hreppti annað sætið í Músíktilraunum 2023 hefur hann verið iðinn við að gefa út og spila nýja tónlist. Hann var tilnefndur í flokki „Ones To Watch“ á tónlistarverðlaunum The Reykjavík Grapevine á árinu og söng bakraddir á nýjasta lagi Páls Óskars, Elskar þú mig ennþá? TORFI hefur gaman að því að koma fram og er bæði í tónlist og dansi. Aðsend Hér má heyra lagið EITT af samnefndri plötu: Klippa: TORFI - EITT „Ég sæki mikinn innblástur í hinsegin samfélög vestanhafs og í Evrópu sem eru talsvert umfangsmeiri en hér heima. Með því að setja þessa menningarheima og tónlistarstefnurnar sem þeim fylgja í íslenskt samhengi kveiki ég kannski einhvern vonarneista um að þeir gætu átt sér hliðstæður hér á landi í framtíðinni. EITT upphefur hinseginleika og kvenleika á tímum þar sem mikið bakslag hefur orðið í málefnum hinsegin fólks og er því um pólitískt popp að ræða.“ View this post on Instagram A post shared by TORFI (@torfitomasson) Tónlistin og dansinn eitt Torfi segir sömuleiðis mikilvægt að hinsegin raddir fái að heyrast. „Hinsegin fólk upplifir heiminn á allt annan hátt en aðrir og það finnst mér vera einn stærsti kosturinn við hinseginleikann. Okkar upplifanir eru einstakar og þær eiga að fá að heyrast. Textarnir mínir fjalla um mína upplifun af ástinni og þar fer ekki á milli mála að ég sé að tala um stráka.“ Torfi stundar sömuleiðis nám við samtímadansbraut Listaháskóla Íslands. Kaja Sigvalda Ásamt því að vera að gefa út tónlist og koma fram stundar Torfi nám við Listaháskóla Íslands á alþjóðlegri samtímadansbraut. Á sviði sameinar hann bæði listformin og býr til upplifanir sem eru jafn sjónrænar og þær eru hljóðrænar. „Fyrir mér er tónlistin og dansinn mismunandi birtingarmyndir af sama hlutnum. Ég bý til tónlist sem ég vil dansa við og öfugt en ég held að áhrifin þar á milli séu mjög ómeðvituð. Þegar öllu er á botninn hvolft er þetta allt saman hreyfingar í tíma og rúmi, tekið upp eða flutt fyrir áhorfendur.“ Platan er að sögn Torfa gerð til þess að ögra, skemmta, fá fólk til að hugsa sig um og gleyma sér allt á sama tíma. „Upplifa einhverskonar gyllt, silfrað, glitrandi frelsi,“ segir Torfi að lokum. Hér má hlusta á plötuna á streymisveitunni Spotify.
Hinsegin Tónlist Menning Mest lesið Arna Ýr uppljóstrar um kostnað brúðkaupsins Lífið Segir lúsmýið ekki biðja um of mikið Tónlist Birtu nýja stiklu fyrir Rings of Power Lífið „Ég ætla ekki að þegja lengur“ Lífið Björk með besta atriði í sögu Ólympíuleikanna Tónlist Nýtur lífsins áhyggjulaus í áhrifavaldaferð í Króatíu Tónlist Tónlistarmaður selur eina glæsilegustu eign Hafnarfjarðar Lífið Hefur lifað tveimur lífum Lífið Ógleymanleg gleðivíma að koma út Tónlist Birti bikinímynd af sér áður en það verður um seinan Lífið Fleiri fréttir Segir lúsmýið ekki biðja um of mikið Hass, rokk og hóstasaft Nýtur lífsins áhyggjulaus í áhrifavaldaferð í Króatíu Björk með besta atriði í sögu Ólympíuleikanna Fyrsta lagið sem Nýdönsk gefur út í þrjú ár Ógleymanleg gleðivíma að koma út Four Tops söngvarinn Abdul „Duke“ Fakir látinn Óvænt að heyra að fólkið á LungA hafi alist upp við Hjaltalín Iceguys snúa aftur í sturluðu tónlistarmyndbandi Myndaveisla: Almennilegt rigningardjamm á Kótelettunni Iceguys dansandi í handjárnum Retro Stefson koma aftur saman Portú-galin stemning hjá Villa Netó Herbert og Patrik leika við hvern sinn fingur í nýju myndbandi Þurfti að vinda skyrtuna eftir tryllt gigg í Víetnam Lætur langþráðan draum rætast og gefur út óð til grínsins Hugmyndin var að kveikja bókstaflega í Emmsjé Gauta Lesbíska dragdrottningin sem er að sigra tónlistarheiminn Sterk sumarást í sveitinni kveikti áhugann á þýskunni Kenndi Kelly Clarkson að bera fram Laufey og Björk Ungstirni gefur út sitt fyrsta lag DJ goðsögn stýrði trylltum dansi „Fólkið er kjarni Þjóðhátíðar og ég vildi sýna það“ Er ósigrandi á sviði og sækir orkuna niður í jörð Nýjasta súperstjarna heimsins „Stefni út í heim og er með stóra drauma“ Scooter til landsins með risatónleika í Laugardalshöll Maðurinn sem uppgötvaði Bieber kveður bransann Öxar við ána nú til í salsaútgáfu Lofar svakalegri veislu Sjá meira