„Annað skiptið sem full­kom­lega lög­legt mark gegn Víkingum er dæmt af“

„Mér fannst við byrja leikinn mjög vel. Fyrstu tíu mínúturnar voru miklu yfirburðir af okkar hálfu. Svo dettur það niður og í kjölfarið fáum við tvö mörk á okkur á skömmum tíma. “

Blikar komu boltanum í netið á 31. mínútu en Kristófer Ingi Kristinsson var dæmdur rangstæður í aðdraganda marksins. Hann skoraði svo löglegt mark á 37. mínútu. 

„Við skorum eitt mark. Svo kom annað, held ég alveg örugglega löglegt, mark. Annað skiptið sem fullkomlega löglegt mark gegn Víkingum er dæmt af, í tveimur umferðum.“

[Markið var dæmt af áður en Breiðablik skoraði löglega. Ekki að röð atvika skipti öllu, punktur Halldórs stendur engu að síður.]

Staðan í hálfleik var því 2-1 og Breiðablik lagði af stað í leit að jöfnunarmarki sem stóð á sér. Víkingur skoraði svo aftur tvö mörk með stuttu millibili og gerði útaf við leikinn. 

„Mín upplifun hérna á hliðarlínunni var að eina liðið sem gæti mögulega skorað í seinni hálfleik væru við, mér leið eins og jöfnunarmarkið væri að koma en þá kemur 3-1 og svo 4-1 í kjölfarið, sem endanlega kláraði leikinn“ sagði Halldór að lokum.