LeBron fer fyrir ógnar­­sterku liði Banda­­ríkjanna á ÓL

Hinn 39 ára gamli LeBron hefur í tví­gang unnið Ólympíugull með Banda­ríkjunum og stefnir á það þriðja á komandi leikum.

Banda­ríkin verða að teljast ansi lík­leg til af­reka í greininni enda engir auk­vissar sem mynda lið þjóðarinnar við hlið LeBron.

Liðs­fé­lagi hans hjá Los Angeles Lakers, Ant­hony Davis, er á meðal leik­manna Banda­ríkjanna og þá mun Stephen Curry, stjörnu­leik­maður Golden Sta­te Warri­ors taka þátt á sínum fyrstu Ólympíu­leikum.

Önnur stór nöfn á borð við Kevin Durant, Devin Booker, Jay­son Tatum, Joel Embi­id og Kawhi Leonard eru í banda­ríska lands­liðs­hópnum.

Ste­ve Kerr, þjálfari Golden Sta­te Warri­ors mun stýra liðinu sem verður í æfingar­búðum og leikur sýningar­leiki í Las Vegas skömmu fyrir setningu Ólympíu­leikanna.