Innlent

Taka ný veður- og upp­lýsinga­skilti í notkun

Atli Ísleifsson skrifar
Eitt skiltanna hefur verið sett upp á Biskupstungnabraut við nýja hringtorgið við Selfoss.
Eitt skiltanna hefur verið sett upp á Biskupstungnabraut við nýja hringtorgið við Selfoss. Vegagerðin

Vegagerðin hefur sett upp tvö ný veður- og upplýsingaskilti, annars vegar við hringtorgið við Selfoss og hins vegar við Biskupstungnabraut. Til stendur við koma upp fleiri að þessari tegund á næstunni.

Frá þessu segir á vef Vegagerðarinnar. Þar segir að á skiltunum séu allajafna birtar upplýsingar um veður, það er vindátt, vindhraða og hitastig. Einnig komi fram frá hvaða veðurstöð upplýsingarnar séu fengnar. 

„Ef vindhraði fer yfir 15m/sek birtast einnig upplýsingar um það.

Hægt er að koma öðrum skilaboðum til vegfarenda ef þörf reynist á því, svo sem aðvaranir eða upplýsingar um lokanir. Skiltin eru tengd miðlægu stjórnkerfi í vaktstöð Vegagerðarinnar sem er með þau í vöktun og stjórnar þeim.

Til stendur að setja upp fleiri skilti af þessu tagi á næstunni, eða á Hringvegi (1) við Kotströnd milli Hveragerðis og Selfoss, í Refasveit við Blönduós og við Reykjanesbraut,“ segir á vef Vegagerðarinnar.

Umferðaröryggi Veður Árborg Ölfus
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið