Innlent

Geta hlaðið bíla sína frítt

Rafn Ágúst Ragnarsson skrifar
Íbúar á Reykjanesi geta hlaðið bíla sína ókeypis hjá N1.
Íbúar á Reykjanesi geta hlaðið bíla sína ókeypis hjá N1. Aðsend

N1 hefur opnað fyrir hraðhleðslu í Reykjanesbæ þannig að íbúar geta hlaðið rafbíla sína frítt á hraðhleðslustöð félagsins.

Þetta kemur fram í tilkynningu frá N1. Notendur þurfa ekki að auðkenna sig við hleðslustæðin, nóg er að stinga bílnum í samband og hlaða. Um er að ræða sex hraðhleðslustæði í Reykjanesbæ.

„Við viljum koma til móts við ábendingu Almannavarna um að fólk fari sparlega með rafmagn í íbúabyggð og hlaði rafbíla frekar í hraðhleðslum á svæðinu,“ segir Ýmir Örn Finnbogason framkvæmdastjóri N1.

„Þannig er dregið úr álagi á kerfinu sem er mjög mikilvægt við þær aðstæður sem eru uppi og eru nógu krefjandi fyrir fjölskyldur á svæðinu. Til að einfalda þetta enn frekar fyrir notendur ákváðum við að það væri þeim að kostnaðarlausu að hlaða bílinn, svo ekki færi á milli mála að þetta væri aðgengilegt öllum.“

Reykjanesbær Eldgos á Reykjanesskaga Orkumál Vistvænir bílar
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið