Segir áform um eldriborgarabyggð úr takti við öll framtíðarplön bæjarins Hallgerður Kolbrún E. Jónsdóttir skrifar 30. janúar 2024 13:25 Sigurbjörg Erla segir kynningu Ásdísar bæjarstjóra á málinu ekki viðeigandi í ljósi þess að málið sé ekki afgreitt. Vísir/Vilhelm Bæjarfulltrúi Píarata í Kópavogi segist hafa rekið upp stór augu þegar fréttir birtust af því fyrir helgi að bærinn hefði áform um að reisa byggð fyrir aldraða í Gunnarshólma. Mikið hafi verið deilt um málið í bæjarráði og enn eigi eftir að afgreiða það hjá bæjarstjórn. Greint var frá því í fréttum á fimmtudag í síðustu viku að bæjarráð Kópavogs hefði samþykkt að byggja upp fimm þúsund íbúða lífsgæðakjarna á jörðinni Gunnarshólma, norður við Suðurlandsveg við Hólmsheiði og Rauðavatn. Jörðin Gunnarshólmi er innan bæjarmarka Kópavogs en langt frá ystu byggð og er í eigu Aflvaka. Sigurbjörg Erla Egilsdóttir, bæjarfulltrúi Pírata í Kópavogi, segir ekki hafa ríkt samstöðu um málið innan bæjarráðs en þar sem trúnaður hafi ríkt um málið hafi umræða ekki farið fram utan funda ráðsins. „Við vildum frekar vísa þessu til umræðu og afgreiðslu í bæjarstjórn til að opna á umræðuna og afgreiða þetta þar. Þetta er risastórt mál sem þarfnast umræðu og mér finnst mjög óviðeigandi að bæjarstjórinn sé þegar farinn að mæta í myndatöku með fjárfestum og í viðtöl á Bylgjunni að kynna verkefnið. Það á enn eftir að afgreiða málið í bæjarstjórn,“ segir Sigurbjörg í samtali við fréttastofu. Hún vísar til þess að Ásdís Kristjánsdóttir, bæjarstjóri Kópavogs, og Sigurður Stefánsson, framkvæmdastjóri Aflvaka, mættu til viðtals í Bítinu á Bylgjunni í gær til að kynna verkefnið. Þá fylgdi af oddvitum meirihlutans í Kópavogi og fulltrúum Aflvaka fréttatilkynningu um afgreiðslu málsins í bæjarráði, sem var send fjölmiðlum síðastliðinn fimmtudag. „Þessi hugmynd víkur frá öllum grunnprinsippum okkar í skipulagi, bæði í aðalskipulagi Kópavogs og heildarskipulagi höfuðborgarsvæðisins. Öll áhersla hefur verið að byggja innan þessara vaxtamarka og hafa byggð blandaða - ólíka aldursdreifingu, þjóðfélagshópa og allt þar á milli innan sama hverfisins,“ segir Sigurbjörg. „Það er talið félagslega best og besta nýtingin á öllum innviðum. Þessi tillaga víkur frá öllum prinsippum, bara til að gæta sérhagsmuna landeigenda. Þetta er beitarland sem þeir kaupa langt fyrir utan byggðina og þeir vilja nú fá leyfi til að byggja þar til að hámarka gróðann. Það er ekkert þarna, ekkert samgöngukerfi, ekkert veitukerfi. Þetta er tveggja klukkustunda gangur frá ystu byggð Kópavogs.“ Hverfi fyrir einsleita hópa gefist ekki vel Hún segir hugmyndina að byggðinni ekki koma innan úr stjórnkerfi Kópavogs heldur frá fjárfestunum sem keyptu Gunnarshólma. „Þetta hefði aldrei komið úr stjórnkerfi Kópavogs því þetta er ekki í neinu samræmi við það sem við höfum sett okkur að gera til framtíðar. Þetta er bara fyrir þá til að hámarka gróðann. Það er ekki verið að tala um að færa vaxtamörk höfuðborgarsvæðisins aðeins út til að bæta við byggðina. Þetta land er mjög einangrað,“ segir Sigurbjörg. „Við ættum út frá okkar bestu vitund um samfélagslegan bata að einblína á að færa kynslóðirnar saman frekar en að stía þeim í sundur. Það gefst almennt ekki vel að hanna svona hverfi, fyrir einsleita hópa, eins og þarna á að gera.“ Vonar að nágrannasveitarfélög komi í veg fyrir uppbygginguna Málið verður til umfjöllunar hjá bæjarstjórn Kópavogs 13. febrúar næstkomandi. Sigurbjörg segir fólk verða að muna að málið hafi ekki verið samþykkt, þrátt fyrir að bæjarstjórinn sé farinn að kynna hugmyndina með fjárfestum fyrir alþjóð. „Sem er fáránlegt. Hún er hinum megin við borðið að fara að afgreiða þetta mál. Svo er hún komin í einhverja kynningarherferð með fjárfestunum. Þessar hugmyndir eru ekki unnar á forsendum íbúanna heldur eingöngu á forsendum fjárfestanna,“ segir hún. Hefurðu trú á því að úr þessu verði? „Það lítur út fyrir að meirihlutinn sé fylgjandi þessu þannig að ég óttast að það verði raunin. En vaxtamörkin eru samkomulag allra sveitarfélaganna á höfuðborgarsvæðinu og þetta er líka á vatnsverndarsvæði. Ég bind vonir við að sveitarfélögin í kring um okkur komi í veg fyrir að af þessu geti orðið.“ Kópavogur Eldri borgarar Byggðamál Húsnæðismál Tengdar fréttir Byggja hverfi fyrir aldraða á Gunnarshólma Byggja á upp fimm þúsund íbúða lífsgæðakjarna á jörðinni Gunnarshólma norður við Suðurlandsveg við Hólmsheiði og Rauðavatn. Bæjarráð Kópavogs komst að þessari niðurstöðu á fundi sínum í dag. 25. janúar 2024 16:10 Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Forsetavaktin 2024: Hver verður sjöundi forseti lýðveldisins? Innlent „Heill vinnustaður er dreginn sundur og saman í háði“ Innlent Vitni gefur ekki upp nafn vegna ótta við hefndaraðgerðir Innlent Þurftu að farga 30 þúsund eintökum vegna forsetaframboðs Innlent Hundrað milljarða fjárfesting í uppnámi Innlent Beðnir um að senda börnin sín með net vegna flugnafaraldurs Innlent „Köld vatnsgusa“ framan í skólasamfélagið í Laugardal Innlent Fékk ekki að kveðja eiginmanninn fyrir flugið til Nígeríu Innlent „Við lögleiðum heróínið en bönnum áfengið. Þetta er galið“ Innlent Halla þótti standa sig best Innlent Fleiri fréttir Um 800 börn bíða eftir leikskólaplássi í Reykjavík Meinleysisgrey sem séu lífríkinu afar mikilvæg Sjö smáskjálftar við Sýlingarfell og Veðurstofan fylgist vel með „Þetta reddast“ voru fyrstu orðin sem hann lærði Lögreglan þurfi nauðsynlega auknar rannsóknarheimildir Mikill meirihluti hlynntur dánaraðstoð Fátt ef nokkuð stöðvar eldislaxinn Segir seinlæti First Water stórfurðulegt Hæstiréttur segir tíma í flugvél vera vinnutíma Vill ræða brottvísun til Nígeríu í nefnd: „Skelfileg ásýnd á þessu máli“ Gjörbreytt bílpróf en segja hvergi slegið af kröfum Fagna framfaraskrefi ráðherra en vilja afnema tilvísanakerfið Þórdís í sendinefnd til Georgíu vegna umdeildra laga Maðurinn fannst heill á húfi Hundaskítur fyrir utan kosningamiðstöð Baldurs vekur spurningar Skilur uppnám skólasamfélagsins í Laugardal en horfa þurfi á staðreyndir Bréf Eggerts kom flatt upp á bæjarstjórnarmenn Flugvél Icelandair þurfti að snúa við Píratar hafa áhyggjur af skorti á eftirliti með lögreglu Úr 256 pakkningum á mánuði upp í sex þúsund Útlendingalög, tilvísanir og skólabygging í Laugardal Fólk setji símana á akstursstillingu til að koma í veg fyrir slys Hundrað milljarða fjárfesting í uppnámi Beðnir um að senda börnin sín með net vegna flugnafaraldurs „Nú verður þú bara að spyrja Bjarna“ Halla þótti standa sig best Ísland hástökkvari á Regnbogakortinu Stefni í endurtekningu á síðasta vori Nýir fatasöfnunargámar á leið til landsins Forsetaframbjóðendur mæta í kappræður á Stöð 2 og Vísi Sjá meira
Greint var frá því í fréttum á fimmtudag í síðustu viku að bæjarráð Kópavogs hefði samþykkt að byggja upp fimm þúsund íbúða lífsgæðakjarna á jörðinni Gunnarshólma, norður við Suðurlandsveg við Hólmsheiði og Rauðavatn. Jörðin Gunnarshólmi er innan bæjarmarka Kópavogs en langt frá ystu byggð og er í eigu Aflvaka. Sigurbjörg Erla Egilsdóttir, bæjarfulltrúi Pírata í Kópavogi, segir ekki hafa ríkt samstöðu um málið innan bæjarráðs en þar sem trúnaður hafi ríkt um málið hafi umræða ekki farið fram utan funda ráðsins. „Við vildum frekar vísa þessu til umræðu og afgreiðslu í bæjarstjórn til að opna á umræðuna og afgreiða þetta þar. Þetta er risastórt mál sem þarfnast umræðu og mér finnst mjög óviðeigandi að bæjarstjórinn sé þegar farinn að mæta í myndatöku með fjárfestum og í viðtöl á Bylgjunni að kynna verkefnið. Það á enn eftir að afgreiða málið í bæjarstjórn,“ segir Sigurbjörg í samtali við fréttastofu. Hún vísar til þess að Ásdís Kristjánsdóttir, bæjarstjóri Kópavogs, og Sigurður Stefánsson, framkvæmdastjóri Aflvaka, mættu til viðtals í Bítinu á Bylgjunni í gær til að kynna verkefnið. Þá fylgdi af oddvitum meirihlutans í Kópavogi og fulltrúum Aflvaka fréttatilkynningu um afgreiðslu málsins í bæjarráði, sem var send fjölmiðlum síðastliðinn fimmtudag. „Þessi hugmynd víkur frá öllum grunnprinsippum okkar í skipulagi, bæði í aðalskipulagi Kópavogs og heildarskipulagi höfuðborgarsvæðisins. Öll áhersla hefur verið að byggja innan þessara vaxtamarka og hafa byggð blandaða - ólíka aldursdreifingu, þjóðfélagshópa og allt þar á milli innan sama hverfisins,“ segir Sigurbjörg. „Það er talið félagslega best og besta nýtingin á öllum innviðum. Þessi tillaga víkur frá öllum prinsippum, bara til að gæta sérhagsmuna landeigenda. Þetta er beitarland sem þeir kaupa langt fyrir utan byggðina og þeir vilja nú fá leyfi til að byggja þar til að hámarka gróðann. Það er ekkert þarna, ekkert samgöngukerfi, ekkert veitukerfi. Þetta er tveggja klukkustunda gangur frá ystu byggð Kópavogs.“ Hverfi fyrir einsleita hópa gefist ekki vel Hún segir hugmyndina að byggðinni ekki koma innan úr stjórnkerfi Kópavogs heldur frá fjárfestunum sem keyptu Gunnarshólma. „Þetta hefði aldrei komið úr stjórnkerfi Kópavogs því þetta er ekki í neinu samræmi við það sem við höfum sett okkur að gera til framtíðar. Þetta er bara fyrir þá til að hámarka gróðann. Það er ekki verið að tala um að færa vaxtamörk höfuðborgarsvæðisins aðeins út til að bæta við byggðina. Þetta land er mjög einangrað,“ segir Sigurbjörg. „Við ættum út frá okkar bestu vitund um samfélagslegan bata að einblína á að færa kynslóðirnar saman frekar en að stía þeim í sundur. Það gefst almennt ekki vel að hanna svona hverfi, fyrir einsleita hópa, eins og þarna á að gera.“ Vonar að nágrannasveitarfélög komi í veg fyrir uppbygginguna Málið verður til umfjöllunar hjá bæjarstjórn Kópavogs 13. febrúar næstkomandi. Sigurbjörg segir fólk verða að muna að málið hafi ekki verið samþykkt, þrátt fyrir að bæjarstjórinn sé farinn að kynna hugmyndina með fjárfestum fyrir alþjóð. „Sem er fáránlegt. Hún er hinum megin við borðið að fara að afgreiða þetta mál. Svo er hún komin í einhverja kynningarherferð með fjárfestunum. Þessar hugmyndir eru ekki unnar á forsendum íbúanna heldur eingöngu á forsendum fjárfestanna,“ segir hún. Hefurðu trú á því að úr þessu verði? „Það lítur út fyrir að meirihlutinn sé fylgjandi þessu þannig að ég óttast að það verði raunin. En vaxtamörkin eru samkomulag allra sveitarfélaganna á höfuðborgarsvæðinu og þetta er líka á vatnsverndarsvæði. Ég bind vonir við að sveitarfélögin í kring um okkur komi í veg fyrir að af þessu geti orðið.“
Kópavogur Eldri borgarar Byggðamál Húsnæðismál Tengdar fréttir Byggja hverfi fyrir aldraða á Gunnarshólma Byggja á upp fimm þúsund íbúða lífsgæðakjarna á jörðinni Gunnarshólma norður við Suðurlandsveg við Hólmsheiði og Rauðavatn. Bæjarráð Kópavogs komst að þessari niðurstöðu á fundi sínum í dag. 25. janúar 2024 16:10 Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Forsetavaktin 2024: Hver verður sjöundi forseti lýðveldisins? Innlent „Heill vinnustaður er dreginn sundur og saman í háði“ Innlent Vitni gefur ekki upp nafn vegna ótta við hefndaraðgerðir Innlent Þurftu að farga 30 þúsund eintökum vegna forsetaframboðs Innlent Hundrað milljarða fjárfesting í uppnámi Innlent Beðnir um að senda börnin sín með net vegna flugnafaraldurs Innlent „Köld vatnsgusa“ framan í skólasamfélagið í Laugardal Innlent Fékk ekki að kveðja eiginmanninn fyrir flugið til Nígeríu Innlent „Við lögleiðum heróínið en bönnum áfengið. Þetta er galið“ Innlent Halla þótti standa sig best Innlent Fleiri fréttir Um 800 börn bíða eftir leikskólaplássi í Reykjavík Meinleysisgrey sem séu lífríkinu afar mikilvæg Sjö smáskjálftar við Sýlingarfell og Veðurstofan fylgist vel með „Þetta reddast“ voru fyrstu orðin sem hann lærði Lögreglan þurfi nauðsynlega auknar rannsóknarheimildir Mikill meirihluti hlynntur dánaraðstoð Fátt ef nokkuð stöðvar eldislaxinn Segir seinlæti First Water stórfurðulegt Hæstiréttur segir tíma í flugvél vera vinnutíma Vill ræða brottvísun til Nígeríu í nefnd: „Skelfileg ásýnd á þessu máli“ Gjörbreytt bílpróf en segja hvergi slegið af kröfum Fagna framfaraskrefi ráðherra en vilja afnema tilvísanakerfið Þórdís í sendinefnd til Georgíu vegna umdeildra laga Maðurinn fannst heill á húfi Hundaskítur fyrir utan kosningamiðstöð Baldurs vekur spurningar Skilur uppnám skólasamfélagsins í Laugardal en horfa þurfi á staðreyndir Bréf Eggerts kom flatt upp á bæjarstjórnarmenn Flugvél Icelandair þurfti að snúa við Píratar hafa áhyggjur af skorti á eftirliti með lögreglu Úr 256 pakkningum á mánuði upp í sex þúsund Útlendingalög, tilvísanir og skólabygging í Laugardal Fólk setji símana á akstursstillingu til að koma í veg fyrir slys Hundrað milljarða fjárfesting í uppnámi Beðnir um að senda börnin sín með net vegna flugnafaraldurs „Nú verður þú bara að spyrja Bjarna“ Halla þótti standa sig best Ísland hástökkvari á Regnbogakortinu Stefni í endurtekningu á síðasta vori Nýir fatasöfnunargámar á leið til landsins Forsetaframbjóðendur mæta í kappræður á Stöð 2 og Vísi Sjá meira
Byggja hverfi fyrir aldraða á Gunnarshólma Byggja á upp fimm þúsund íbúða lífsgæðakjarna á jörðinni Gunnarshólma norður við Suðurlandsveg við Hólmsheiði og Rauðavatn. Bæjarráð Kópavogs komst að þessari niðurstöðu á fundi sínum í dag. 25. janúar 2024 16:10