Innlent

Smábátur lenti í vand­ræðum við Álfta­nes

Jón Þór Stefánsson skrifar
Frá aðgerðum Slysavarnafélagsins í gærkvöldi og gærnótt.
Frá aðgerðum Slysavarnafélagsins í gærkvöldi og gærnótt. Landsbjörg

Skipverji smábáts, sem var skammt undan Álftanesi, gaf út hjálparbeiðni í gærkvöldi vegna vélarvandræða. Vél bátsins hafði ofhitnað við áreynslu, og taldi skipverji ekki óhætt að halda áfram fyrir eigin vélarafli.

Þetta kemur fram í tilkynningu frá Slysavarnafélaginu Landsbjörgu. Þar kemur fram að tilkynningin hafi borist rétt fyrir klukkan ellefu í gærkvöldi og að björgunarbátarnir Fiskaklettur úr Hafnarfirði og Sædís frá Kópavogi hafi verið sendir út.

Björgunarbátarnir voru komnir að smábátnum fimmtán mínútum fyrir miðnætti. Smábáturinn var tekinn í tog af Sædísi og stefnan sett á Hafnarfjarðarhöfn, en smábáturinn hafði stefnt þangað.

Í tilkynningunni segir að ferðin hafði gengið vel með bátinn í togi og komu þeir í höfn í Hafnarfirði um klukkustund síðar. Þá kemur fram að vel hafi gengið að koma bilaða bátnum að bryggju og að aðgerðum hafi lokið rétt rúmlega eitt í nótt.

Björgunarsveitir Garðabær Sjávarútvegur
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið