Þessi keppandi vann fyrstu þáttaröðina af Útliti

Daniel Koloric förðunarfræðingur stjarnanna var gestadómari þáttarins en hann hefur farðað stjörnur á borð við Mariah Carey, Kendal Jenner og Janet Jackson.

Það var því mikill heiður fyrir keppendur að fá þennan reynslubolta til þess að dæma úrslitin með Hörpu Káradóttur og Ísak Frey Helgasyni.

Í úrslitunum stóðu eftir Sara Eiríksdóttir, Ingibjörg Veiga Ómarsdóttir og Sigurveig Þórmundsdóttir en Daniel bað þær að gera augnförðun sem myndi heilla hann, eitthvað sem myndi einkenna þær sem förðunarfræðinga.

Fyrir þá sem hafa ekki séð úrslitaþáttinn ætti að lesa lengra.

.

.

.

.

Það er búið að vara þig við.

.

.

.

.

Að lokum stóð Sigurveig uppi sem sigurvegari Útlits. Hún heillaði dómarana með hverri áskoruninni á eftir annarri. 

Allt frá því hún gerði álfadrottninguna, íslenska náttúru og forsíðu á tímariti. Hún fékk að gjöf glæsilegan snyrtivörupakka frá Yves Saint Laurent, Lancome og It cosmetics frá Terma, förðunarbursta frá Makeup studio Hörpu Kára og faglegar hárvörur frá B Pro hárvörum.- ásamt 250.000 króna peningaverðlaunum.

Hér að neðan má sjá þegar Sigurveig vann keppnina en hægt er að horfa á alla þættina á Stöð 2+ fyrir áskrifendur.