„Óheppilegir hagsmunaárekstrar“ við val styrkþega og afreksfólk sniðgengið Hallgerður Kolbrún E. Jónsdóttir skrifar 26. september 2023 09:00 Daníel Leó segir óheppilegan hagsmunaárekstur hafa komið upp við val á keppendum í verkefni, sem gerir þeim kleift að keppa á alþjóðlegum mótum sér að kostnaðarlausu. Vísir/AP Mikil ólga er innan júdósamfélagsins vegna nýlegs vals í verkefni, sem greiðir fyrir tvo keppendur að komast á alþjóðleg mót. Sonur gjaldkera Júdósambands Íslands er einn tveggja sem var valinn, þrátt fyrir að vera ekki meðal þeirra glímukappa sem eru efstir á stigalista. Þann 7. september síðastliðinn sendi stjórn Júdódeildar UMFS erindi til stjórnar Júdósambands Íslands og Íþrótta- og Ólympíusambands Íslands vegna vals í landsliðsverkefni. Verkefnið er kostað af Alþjóðajúdósambandinu, IJF, og Júdósambandi Evrópu, EJU. Í erindinu óskar stjórn Júdódeildar UMFS eftir svörum um val sambandsins á keppendum á mót og keppnir undanfarið. Verkefnið er til þess falið að kosta ferðir glímukappanna tveggja á alþjóðleg stórmót sem gera þeim kleift að vinna sér inn punkta til að eiga möguleika á að komast á Ólympíuleika. Kjartan Hreiðarsson, hjá Júdófélagi Reykjavíkur, og Hrafn Arnarson, hjá Júdófélagi Suðurlands, voru valdir í verkefnið. „Óheppilegir hagsmunaárekstrar“ „Það eru þarna ákveðin hagsmunatengsl inni í Júdósambandi Íslands, JSÍ, sem gera þetta val óheppilegt. Þannig er að núverandi gjaldkeri og fyrrverandi varaformaður JSÍ stofnaði nýverið júdófélag á Suðurlandi. Við það félag starfar erlendur þjálfari sem er nýráðinn framkvæmdastjóri Júdósambands Íslands,“ segir Daníel Leó Ólason, formaður Júdódeildar UMFS, í samtali við fréttastofu. „Það vill svo til að annar keppendanna sem er valinn er að æfa hjá framkvæmdastjóranum og er sonur gjaldkera JSÍ.“ Vísar Daníel þar til Arnars Freys Ólafssonar sem er gjaldkeri hjá Júdósambandi Íslands en sonur hans æfir hjá Júdófélagi Suðurlands. Þjálfari þess er George Buntakis sem er einnig framkvæmdastjóri JSÍ. Stjórn Júdódeildar UMFS sendi Júdósambandi Íslands nýverið erindi vegna vals í verkefni á vegum sambandsins. Verkefnið kostar keppnisferðir tveggja á alþjóðleg mót. Hvorugur þeirra sem var valinn er ofarlega á stigalista Júdósambandsins.Aðsend „Það gæti verið eðlilegt val nema það að í afreksstefnu JSÍ er talað um að velja eigi fyrst og fremst í A-landslið út frá punktastöðu á stigalista. Þessi strákur er ekki á þessum lista. Þeir sem eru efstir á listanum fengu engin boð um að fá styrki eða vera valdir í landsliðið þrátt fyrir að segi í stefnunni að velja eigi út frá stigalistanum fyrst, þolprófi og líkamlegu ástandi,“ segir Daníel. „Ekkert þolpróf hefur farið fram og í raun eru rök Júdósambandsins fyrir vali í landsliðið byggð á ástundun og áhuga keppenda. Þeir bera fyrir sig að þessir strákar hafi farið það mikið á mót erlendis undanfarið og það hafi sýnt áhuga þeirra og þess vegna verði þeir fyrir valinu.“ Segir skorta gagnsæi Fram kemur í svari JSÍ við fyrirspurn UMFS að strákarnir tveir, sem urðu fyrir valinu, „æfa meira en aðrir og hafa sýnt miklar framfarir“. „Þeir hafa farið í æfingabúðir á eigin kostnað og komið aftur reynslunni ríkari. Að mati landsliðsþjálfara eru þeir mjög einbeittir við þjálfun sína og taka æfingum af fullri alvöru,“ segir í svarinu. „Að auki hefur landsliðsþjálfari til hliðsjónar frammistöðu iðkenda á sameiginlegum Randori æfingum sem haldnar eru á föstudögum.“ Daníel segir furðulegt að byggja valið meðal annars á frammistöðu á æfingum glímukappa. „Annar þeirra er að æfa hjá framkvæmdastjóranum. Þeir vita ekkert um ástundun annarra félaga. Þessi rök finnst okkur ekki halda vatni,“ segir Daníel. „Það skortir gagnsæi þar sem hagsmunaárekstrarnir eru svona stórir og þeir tveir sem voru efstir á þessum stigalista eru ekki valdir. Hvorugur þeirra er með fulltrúa úr sínu félagi í stjórn JSÍ. Það eru Ármann og UMF Selfoss.“ Ekki hugað að kynjahlutfalli Þá skjóti skökku við að við valið hafi hvergi verið gætt að kynjahlutfalli. „Hvergi eru kvenkynskeppendur nefndir á nafn, þrátt fyrir að þær hafi verið með afbragðsstöðu á þessum lista. Við viljum haldbærar skýringar á þessu vali.“ Daníel bendir á að fyrir næstu Ólympíuleika, sem fara fram á næsta ári, bjóðist Evrópulöndum að komast á svokallaðan Wildcard lista, sem auðveldi keppendum að komast á leikana. Til þess þurfi þeir hins vegar að fá tækifæri til að taka þátt á alþjóðlegum mótum. „Auðvitað eru þeir afreksmenn og -konur, sem eru efst á stigalistanum, búnir að leggja margt á sig til að eiga möguleika á þessum draum. Þeir eru svolítið illa sviknir án þess að hafa almennileg rök fyrir því. Annað en að þeir séu orðnir of gamlir,“ segir Daníel og vísar til svars JSÍ við fyrirspurn UMFS. Þar segir að enginn íslenskur keppandi sé tilbúinn til að taka þátt á næstu Ólympíuleikum og þurfi sambandið að byggja grunn fyrir keppendur sem geti tekið þátt á Ólympíuleikunum 2028. Þá segir í svarinu að markmið IJF og EJU sé að aðstoða JSÍ við að byggja upp nýja kynslóð keppenda og styrkurinn eyrnamerktur í það verkefni. „Í júdóheiminum eru menn að keppa langt fram eftir þrítugu,“ segir Daníel. Hann segir að vissulega geti allir tekið þátt á alþjóðlegum mótum á eigin kostnað. Það geti hins vegar reynst mjög dýrt. „Mörg af þessum stóru mótum eru á framandi stöðum sem er dýrt að ferðast til. Má nefna að mót helgarinnar var í Bakú í Aserbaídsjan. Þar sem allir þessir afreksíþróttamenn eru í annarri vinnu er þetta gríðarlega kostnaðarsamt. Þess vegna er þessi styrkur Júdósambandsins ómetanlegur.“ Júdó Ólympíuleikar 2024 í París Mest lesið „Grét rosa mikið út af öllu og engu“ Sport Aðstoðardómarinn bað Bæjara afsökunar: „Þetta er hörmung“ Fótbolti Myndaveisla frá risasigrinum á Eistum Handbolti Gagnrýnir lítinn stuðning við afreksíþróttafólk: „Upphæðin ein og sér er grín“ Handbolti Færeyingar hársbreidd frá fyrsta heimsmeistaramótinu Handbolti Stuðningurinn ómetanlegur: „Farið í dýpstu leyndarmálin“ Sport Eiginkona Jokic í hjartnæmu myndbandi um þann besta Körfubolti „Þegar ég var sjö ára í Birmingham dreymdi mig um svona kvöld“ Fótbolti Uppgjörið: Ísland - Eistland 50-25 | Stigu bensínið í botn frá fyrstu mínútu Handbolti Þakklátur eftir fyrsta landsleikinn: „Tek bara einn dag fyrir í einu“ Handbolti Fleiri fréttir Rekin út af fyrir litla töf, Nadía reddaði Fanneyju og Blikar sjóðheitir Hafnað af Stoke og var stuðningsmaður Real síðast Fyrsta sumarmót ársins í opinni dagskrá í kvöld Tekst Glódísi að hrifsa „barnið“ af Popp í dag? Sjáðu mörk óvæntu hetjunnar og þegar allt trylltist á Bernabéu „Grét rosa mikið út af öllu og engu“ Eiginkona Jokic í hjartnæmu myndbandi um þann besta Gagnrýnir lítinn stuðning við afreksíþróttafólk: „Upphæðin ein og sér er grín“ Myndaveisla frá risasigrinum á Eistum Dagskráin í dag: Keflavík getur komist í úrslit, Cheerios-mótið og Glódís og Sveindís mætast í bikarúrslitum „Þegar ég var sjö ára í Birmingham dreymdi mig um svona kvöld“ Aðstoðardómarinn bað Bæjara afsökunar: „Þetta er hörmung“ Færeyingar hársbreidd frá fyrsta heimsmeistaramótinu Uppgjörið: Ísland - Eistland 50-25 | Stigu bensínið í botn frá fyrstu mínútu „Ánægður að við sýndum þá hlið að við getum verið góðir í sextíu mínútur“ „Á flestum sviðum körfuboltans voru þeir bara betri en við“ Þakklátur eftir fyrsta landsleikinn: „Tek bara einn dag fyrir í einu“ „Ekkert sjálfgefið að valta yfir lið“ „Þetta var bara sturlað“ Uppgjörið og viðtöl: Keflavík - Valur 1-2 | Meistararnir komu til baka suður með sjó Joselu hetjan þegar Real Madrid fór í úrslit í enn eitt skiptið „Eitthvað sem þær þurfa að svara fyrir á fundi á morgun“ Uppgjörið og viðtöl: FH - Þróttur 1-0 | Sigurmark á 96. mínútu Uppgjörið og viðtöl: Breiðablik - Stjarnan 5-1| Blikar kláruðu dæmið í fyrri hálfleik Martin og Styrmir góðir en liðunum gekk misvel Fiorentina aftur í úrslit Sambandsdeildarinnar Uppgjörið og viðtöl: Grindavík - Keflavík 96-71 | Gulklæddir flengdu Keflvíkinga Gamli FH-ingurinn kom Fredrikstad áfram í bikarnum Dæmdur fyrir aðstoð við morð en valinn í landslið Síle Enrique hneykslaður: „Er þér alvara?“ Sjá meira
Þann 7. september síðastliðinn sendi stjórn Júdódeildar UMFS erindi til stjórnar Júdósambands Íslands og Íþrótta- og Ólympíusambands Íslands vegna vals í landsliðsverkefni. Verkefnið er kostað af Alþjóðajúdósambandinu, IJF, og Júdósambandi Evrópu, EJU. Í erindinu óskar stjórn Júdódeildar UMFS eftir svörum um val sambandsins á keppendum á mót og keppnir undanfarið. Verkefnið er til þess falið að kosta ferðir glímukappanna tveggja á alþjóðleg stórmót sem gera þeim kleift að vinna sér inn punkta til að eiga möguleika á að komast á Ólympíuleika. Kjartan Hreiðarsson, hjá Júdófélagi Reykjavíkur, og Hrafn Arnarson, hjá Júdófélagi Suðurlands, voru valdir í verkefnið. „Óheppilegir hagsmunaárekstrar“ „Það eru þarna ákveðin hagsmunatengsl inni í Júdósambandi Íslands, JSÍ, sem gera þetta val óheppilegt. Þannig er að núverandi gjaldkeri og fyrrverandi varaformaður JSÍ stofnaði nýverið júdófélag á Suðurlandi. Við það félag starfar erlendur þjálfari sem er nýráðinn framkvæmdastjóri Júdósambands Íslands,“ segir Daníel Leó Ólason, formaður Júdódeildar UMFS, í samtali við fréttastofu. „Það vill svo til að annar keppendanna sem er valinn er að æfa hjá framkvæmdastjóranum og er sonur gjaldkera JSÍ.“ Vísar Daníel þar til Arnars Freys Ólafssonar sem er gjaldkeri hjá Júdósambandi Íslands en sonur hans æfir hjá Júdófélagi Suðurlands. Þjálfari þess er George Buntakis sem er einnig framkvæmdastjóri JSÍ. Stjórn Júdódeildar UMFS sendi Júdósambandi Íslands nýverið erindi vegna vals í verkefni á vegum sambandsins. Verkefnið kostar keppnisferðir tveggja á alþjóðleg mót. Hvorugur þeirra sem var valinn er ofarlega á stigalista Júdósambandsins.Aðsend „Það gæti verið eðlilegt val nema það að í afreksstefnu JSÍ er talað um að velja eigi fyrst og fremst í A-landslið út frá punktastöðu á stigalista. Þessi strákur er ekki á þessum lista. Þeir sem eru efstir á listanum fengu engin boð um að fá styrki eða vera valdir í landsliðið þrátt fyrir að segi í stefnunni að velja eigi út frá stigalistanum fyrst, þolprófi og líkamlegu ástandi,“ segir Daníel. „Ekkert þolpróf hefur farið fram og í raun eru rök Júdósambandsins fyrir vali í landsliðið byggð á ástundun og áhuga keppenda. Þeir bera fyrir sig að þessir strákar hafi farið það mikið á mót erlendis undanfarið og það hafi sýnt áhuga þeirra og þess vegna verði þeir fyrir valinu.“ Segir skorta gagnsæi Fram kemur í svari JSÍ við fyrirspurn UMFS að strákarnir tveir, sem urðu fyrir valinu, „æfa meira en aðrir og hafa sýnt miklar framfarir“. „Þeir hafa farið í æfingabúðir á eigin kostnað og komið aftur reynslunni ríkari. Að mati landsliðsþjálfara eru þeir mjög einbeittir við þjálfun sína og taka æfingum af fullri alvöru,“ segir í svarinu. „Að auki hefur landsliðsþjálfari til hliðsjónar frammistöðu iðkenda á sameiginlegum Randori æfingum sem haldnar eru á föstudögum.“ Daníel segir furðulegt að byggja valið meðal annars á frammistöðu á æfingum glímukappa. „Annar þeirra er að æfa hjá framkvæmdastjóranum. Þeir vita ekkert um ástundun annarra félaga. Þessi rök finnst okkur ekki halda vatni,“ segir Daníel. „Það skortir gagnsæi þar sem hagsmunaárekstrarnir eru svona stórir og þeir tveir sem voru efstir á þessum stigalista eru ekki valdir. Hvorugur þeirra er með fulltrúa úr sínu félagi í stjórn JSÍ. Það eru Ármann og UMF Selfoss.“ Ekki hugað að kynjahlutfalli Þá skjóti skökku við að við valið hafi hvergi verið gætt að kynjahlutfalli. „Hvergi eru kvenkynskeppendur nefndir á nafn, þrátt fyrir að þær hafi verið með afbragðsstöðu á þessum lista. Við viljum haldbærar skýringar á þessu vali.“ Daníel bendir á að fyrir næstu Ólympíuleika, sem fara fram á næsta ári, bjóðist Evrópulöndum að komast á svokallaðan Wildcard lista, sem auðveldi keppendum að komast á leikana. Til þess þurfi þeir hins vegar að fá tækifæri til að taka þátt á alþjóðlegum mótum. „Auðvitað eru þeir afreksmenn og -konur, sem eru efst á stigalistanum, búnir að leggja margt á sig til að eiga möguleika á þessum draum. Þeir eru svolítið illa sviknir án þess að hafa almennileg rök fyrir því. Annað en að þeir séu orðnir of gamlir,“ segir Daníel og vísar til svars JSÍ við fyrirspurn UMFS. Þar segir að enginn íslenskur keppandi sé tilbúinn til að taka þátt á næstu Ólympíuleikum og þurfi sambandið að byggja grunn fyrir keppendur sem geti tekið þátt á Ólympíuleikunum 2028. Þá segir í svarinu að markmið IJF og EJU sé að aðstoða JSÍ við að byggja upp nýja kynslóð keppenda og styrkurinn eyrnamerktur í það verkefni. „Í júdóheiminum eru menn að keppa langt fram eftir þrítugu,“ segir Daníel. Hann segir að vissulega geti allir tekið þátt á alþjóðlegum mótum á eigin kostnað. Það geti hins vegar reynst mjög dýrt. „Mörg af þessum stóru mótum eru á framandi stöðum sem er dýrt að ferðast til. Má nefna að mót helgarinnar var í Bakú í Aserbaídsjan. Þar sem allir þessir afreksíþróttamenn eru í annarri vinnu er þetta gríðarlega kostnaðarsamt. Þess vegna er þessi styrkur Júdósambandsins ómetanlegur.“
Júdó Ólympíuleikar 2024 í París Mest lesið „Grét rosa mikið út af öllu og engu“ Sport Aðstoðardómarinn bað Bæjara afsökunar: „Þetta er hörmung“ Fótbolti Myndaveisla frá risasigrinum á Eistum Handbolti Gagnrýnir lítinn stuðning við afreksíþróttafólk: „Upphæðin ein og sér er grín“ Handbolti Færeyingar hársbreidd frá fyrsta heimsmeistaramótinu Handbolti Stuðningurinn ómetanlegur: „Farið í dýpstu leyndarmálin“ Sport Eiginkona Jokic í hjartnæmu myndbandi um þann besta Körfubolti „Þegar ég var sjö ára í Birmingham dreymdi mig um svona kvöld“ Fótbolti Uppgjörið: Ísland - Eistland 50-25 | Stigu bensínið í botn frá fyrstu mínútu Handbolti Þakklátur eftir fyrsta landsleikinn: „Tek bara einn dag fyrir í einu“ Handbolti Fleiri fréttir Rekin út af fyrir litla töf, Nadía reddaði Fanneyju og Blikar sjóðheitir Hafnað af Stoke og var stuðningsmaður Real síðast Fyrsta sumarmót ársins í opinni dagskrá í kvöld Tekst Glódísi að hrifsa „barnið“ af Popp í dag? Sjáðu mörk óvæntu hetjunnar og þegar allt trylltist á Bernabéu „Grét rosa mikið út af öllu og engu“ Eiginkona Jokic í hjartnæmu myndbandi um þann besta Gagnrýnir lítinn stuðning við afreksíþróttafólk: „Upphæðin ein og sér er grín“ Myndaveisla frá risasigrinum á Eistum Dagskráin í dag: Keflavík getur komist í úrslit, Cheerios-mótið og Glódís og Sveindís mætast í bikarúrslitum „Þegar ég var sjö ára í Birmingham dreymdi mig um svona kvöld“ Aðstoðardómarinn bað Bæjara afsökunar: „Þetta er hörmung“ Færeyingar hársbreidd frá fyrsta heimsmeistaramótinu Uppgjörið: Ísland - Eistland 50-25 | Stigu bensínið í botn frá fyrstu mínútu „Ánægður að við sýndum þá hlið að við getum verið góðir í sextíu mínútur“ „Á flestum sviðum körfuboltans voru þeir bara betri en við“ Þakklátur eftir fyrsta landsleikinn: „Tek bara einn dag fyrir í einu“ „Ekkert sjálfgefið að valta yfir lið“ „Þetta var bara sturlað“ Uppgjörið og viðtöl: Keflavík - Valur 1-2 | Meistararnir komu til baka suður með sjó Joselu hetjan þegar Real Madrid fór í úrslit í enn eitt skiptið „Eitthvað sem þær þurfa að svara fyrir á fundi á morgun“ Uppgjörið og viðtöl: FH - Þróttur 1-0 | Sigurmark á 96. mínútu Uppgjörið og viðtöl: Breiðablik - Stjarnan 5-1| Blikar kláruðu dæmið í fyrri hálfleik Martin og Styrmir góðir en liðunum gekk misvel Fiorentina aftur í úrslit Sambandsdeildarinnar Uppgjörið og viðtöl: Grindavík - Keflavík 96-71 | Gulklæddir flengdu Keflvíkinga Gamli FH-ingurinn kom Fredrikstad áfram í bikarnum Dæmdur fyrir aðstoð við morð en valinn í landslið Síle Enrique hneykslaður: „Er þér alvara?“ Sjá meira
Dagskráin í dag: Keflavík getur komist í úrslit, Cheerios-mótið og Glódís og Sveindís mætast í bikarúrslitum