Erlent

Mikið fenta­nýl falið bak við hlera á dag­heimilinu

Viktor Örn Ásgeirsson skrifar
Lögreglan í New York deildi mynd af felustaðnum á Instagram í dag. Á myndinni sjást að minnsta kosti tólf pokar fullir af hvítu og svörtu dufti.
Lögreglan í New York deildi mynd af felustaðnum á Instagram í dag. Á myndinni sjást að minnsta kosti tólf pokar fullir af hvítu og svörtu dufti. NYPD

Mikið magn af fentanýli fannst falið bak við hlera á dagheimili í New York í dag. Eins árs gamalt barn lést úr of stórum skammti af ópíóðanum á heimilinu í síðustu viku. Lögreglan í New York segir að rannsókn málsins standi yfir en tvö hafa verið ákærð vegna málsins.

Drengurinn sem lést hafði aðeins dvalið á dagheimilinu í eina viku þegar hann lést. Efnið var falið undir dýnu í hvíldarherbergi dagheimilisins og þar lá drengurinn og svaf. Þrjú önnur börn á dagheimilinu, á bilinu átta mánaða til tveggja ára, voru  einnig flutt á sjúkrahús eftir að hafa komist í snertingu við efnið.

„Við höldum því fram að ákærðu hafi eitrað fyrir fjórum börnum og myrt eitt þeirra,“ segir saksóknari í ríkinu. Ákærðu hafi sýslað með og dreift fíkniefnum, og nýtt dagheimilið sem bækistöðvar undir starfsemina.

Eigandi dagheimilisins kveðst ekki hafa vitað að efnin væru inni á heimilinu. Upptökur úr öryggismyndavélum sýna hins vegar að Grei Mendez, eigandinn, hafi ítrekað hringt í eiginmann sinn eftir að hafa komið að börnunum fjórum, áður en hún hringdi á neyðarlínuna.

Þá sást eiginmaður hennar mæta á staðinn og fjarlægja nokkra poka af dagheimilinu. Leit að honum stendur yfir.

Fíkniefnabrot Bandaríkin
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið