„Okkur finnst þetta hreinlega svolítið vanhugsað“ Sólrún Dögg Jósefsdóttir skrifar 5. september 2023 23:45 Krista Sól Guðjónsdóttir, forseti Skólafélagsins Hugins, er í hópi margra MA-inga sem eru mótfallnir sameiningu framhaldsskólanna tveggja á Akureyri. Aðsend/Vísir/Vilhelm Forseti Hugins, skólafélags Menntaskólans á Akureyri, segir að mikill meirihluti nemenda sé mótfallinn sameiningu skólans við Verkmenntaskólann á Akureyri. Hún sakar menntamálaráðherra um útúrsnúning og segir nemendur svikna eftir að hafa ekki fengið að tjá sig um málið. Krista Sól Guðjónsdóttir, inspectrix scholae Menntaskólans á Akureyri segir stjórn skólafélagsins Hugins hafa fengið tölvupóst í hádeginu í dag þess efnis að ráðherra væri á leið norður að kynna tillögur um skipulagsbreytingar í framhaldsskólum á Akureyri. „Þannig að það er tveir og hálfur klukkutími sem skólafélagið fær til þess að búa til einhvers konar hugmynd um hvað við ætlum að spyrja um á fundinum,“ segir Krista í samtali við Vísi. Ásmundur Einar Daðason mennta- og barnamálaráðherra kynnti tillögur stýrihóps um eflingu framhaldsskólanna með sameiningu skólanna tveggja á fundinum. Með honum voru Sigríður Huld Jónsdóttir, skólameistari Verkmenntaskólans á Akureyri, og Karl Frímannsson, skólameistari Menntaskólans á Akureyri. „Við mættum á fundinn og þar var svolítið bara verið að tala í hringi, það er að segja ráðherra. Og þegar það kom að spurningum þá svaraði ráðherra einhvern veginn bara með einhverju kaosi,“ segir Krista. „Hann forðaðist svörin og sneri út úr. Við spurðum einfaldra já eða nei spurninga og einhvern veginn tókst honum að svara þeim með þriggja mínútna svörum.“ Krista segir stjórn Hugins hafa brugðið við þegar í ljós kom hversu langt áformin væru komin án þess að talað hefði verið við nemendur skólanna. „Við áttuðum okkur á því að það skipti í rauninni engu máli hvað við værum að fara að segja. Lokamarkmiðið yrði alltaf sameining.“ Félagslíf MA hyrfi með sameiningu Þá segir hún stjórnina hafa lagt fram könnun á Facebook hópi nemenda við menntaskólann um hvort nemendur væru fylgjandi eða mótfallnir sameiningunni. Þegar fréttastofa náði tali af Kristu höfðu 250 af 570 nemendum svarað könnuninni. „Og eins og staðan er núna eru 97 prósent þeirra mótfallnir sameiningu,“ segir Krista. Krista segist ekki sjá neina leið til þess að félagslíf MA eins og það er í dag lifi sameininguna af. „Það er svo rosalega mikið af litlum hlutum í MA sem gera skólann okkar að skólanum okkar,“ segir Krista. Sem dæmi nefnir hún mánaðarlegar söngstundir nemenda, sem ekki yrðu möguleiki í átján hundruð manna skóla sem staðsettur yrði á tveimur stöðum. Þá nefnir hún árshátíð skólans sem haldin er ár hvert með borðhaldi og þátttöku nemenda og starfsfólks. „Það er enginn staður á Akureyri sem gæti borið slíkan viðburð. Bæjarfélagið býður ekki upp á neitt húsnæði þar sem rúmlega tvö þúsund manns gætu sest við borðhald og haldið árshátíð,“ segir Krista. „Þannig að okkur finnst þetta hreinlega svolítið vanhugsað.“ Fengu ekki að tjá sig Krista segir að þegar hugmyndir um sameiningu voru fyrst kynntar í vor hafi verið haldinn fundur í MA sem stjórn skólafélagsins var boðið á, þar hafi tveir starfsmenn menntamálaráðuneytisins setið fyrir svörum. „Og þeir lofuðu því að áður en einhverjar ákvarðanir yrðu teknar þá fengju nemendur að koma sínum skoðunum á framfæri. Fundurinn sem við fórum á í dag stangaðist algjörlega á við þessi loforð,“ segir Krista. „Við gerðum þau mistök að treysta því sem þau sögðu okkur. Og við sjáum eftir því í dag.“ Hún segir Ásmund hafa sagt að ef upp kæmi bakslag yrðu áformin um sameininguna endurskoðuð. „Við spurðum hann hreint út, er það nægilegt bakslag ef allir nemendur, starfsfólk og kennarar yrðu mótfallnir þessu. Og hann sagði nei, það væri ekki nægilegt bakslag. Og það finnst okkur fáránlegt.“ Skóla - og menntamál Akureyri Framhaldsskólar Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Ólík sýn á hvort Íslandi eigi að styðja vörn Úkraínumanna Innlent „Við höfum ekki séð þetta á Íslandi áður“ Innlent Friðartillaga Ísraela sem Biden kynnti virðist fá hljómgrunn Erlent Skítkast í „skrýtinni og óvæginni“ kosningabaráttu Innlent „Við útrýmum ekki ofbeldi með hatri“ Innlent VÍS þarf að bæta hluta jarðýtu í mannskæðu vinnuslysi Innlent Hefði „slátrað“ dóttur sinni byggju þau í „arabalandi“ Innlent Forsetavaktin 2024: Hver verður sjöundi forseti lýðveldisins? Innlent Mótmælin í dag þau hörðustu í mörg ár Innlent Ný könnun sýnir stefna í æsispennandi kjördag Innlent Fleiri fréttir Ólík sýn á hvort Íslandi eigi að styðja vörn Úkraínumanna „Við útrýmum ekki ofbeldi með hatri“ Skítkast í „skrýtinni og óvæginni“ kosningabaráttu „Við höfum ekki séð þetta á Íslandi áður“ Mótmælin í dag þau hörðustu í mörg ár Sækja veikan jeppamann á Langjökli VÍS þarf að bæta hluta jarðýtu í mannskæðu vinnuslysi Lokasprettur fyrir kosningar og umræða um kynbundið ofbeldi Ný könnun sýnir stefna í æsispennandi kjördag Hvar áttu að kjósa í forsetakosningum? Fyrirskipar forsætisráðuneytinu að fara yfir ferla „Heiðurstengt ofbeldi er ekki okkar stærsta vandamál“ Eldgosið í beinni útsendingu Taka aftur við eignum í Grindavík eftir helgi Páll sýknaður Tuttugu sendlar Wolt eiga yfir höfði sér kæru Þorvaldur tekur undir goslokaspá Haraldar Gætu gloprað niður sigrinum eða tryggt sér hann í kvöld Hefði „slátrað“ dóttur sinni byggju þau í „arabalandi“ Viðhald eigna og verðmætabjörgun í Grindavík í dag Piparúða beitt gegn mótmælendum í Skuggasundi Maðurinn sem féll í Fnjóská fannst látinn Lífið brosir við mæðgum eftir áralangt einelti Þakkar fyrir að hafa ekki þurft að beita kylfum Notuðu piparúða á mótmælendur Hvattur til að draga sig til hlés til að klekkja á Katrínu Sérfræðingar í straumvatnsleit aðstoða við leit í Fnjóská Gekk misvel að tala um kvótakerfið á fjörutíu sekúndum á ensku Bjarni fundar með Selenskí í Stokkhólmi Alþjóðasamfélagið sé að klikka á Gasa Sjá meira
Krista Sól Guðjónsdóttir, inspectrix scholae Menntaskólans á Akureyri segir stjórn skólafélagsins Hugins hafa fengið tölvupóst í hádeginu í dag þess efnis að ráðherra væri á leið norður að kynna tillögur um skipulagsbreytingar í framhaldsskólum á Akureyri. „Þannig að það er tveir og hálfur klukkutími sem skólafélagið fær til þess að búa til einhvers konar hugmynd um hvað við ætlum að spyrja um á fundinum,“ segir Krista í samtali við Vísi. Ásmundur Einar Daðason mennta- og barnamálaráðherra kynnti tillögur stýrihóps um eflingu framhaldsskólanna með sameiningu skólanna tveggja á fundinum. Með honum voru Sigríður Huld Jónsdóttir, skólameistari Verkmenntaskólans á Akureyri, og Karl Frímannsson, skólameistari Menntaskólans á Akureyri. „Við mættum á fundinn og þar var svolítið bara verið að tala í hringi, það er að segja ráðherra. Og þegar það kom að spurningum þá svaraði ráðherra einhvern veginn bara með einhverju kaosi,“ segir Krista. „Hann forðaðist svörin og sneri út úr. Við spurðum einfaldra já eða nei spurninga og einhvern veginn tókst honum að svara þeim með þriggja mínútna svörum.“ Krista segir stjórn Hugins hafa brugðið við þegar í ljós kom hversu langt áformin væru komin án þess að talað hefði verið við nemendur skólanna. „Við áttuðum okkur á því að það skipti í rauninni engu máli hvað við værum að fara að segja. Lokamarkmiðið yrði alltaf sameining.“ Félagslíf MA hyrfi með sameiningu Þá segir hún stjórnina hafa lagt fram könnun á Facebook hópi nemenda við menntaskólann um hvort nemendur væru fylgjandi eða mótfallnir sameiningunni. Þegar fréttastofa náði tali af Kristu höfðu 250 af 570 nemendum svarað könnuninni. „Og eins og staðan er núna eru 97 prósent þeirra mótfallnir sameiningu,“ segir Krista. Krista segist ekki sjá neina leið til þess að félagslíf MA eins og það er í dag lifi sameininguna af. „Það er svo rosalega mikið af litlum hlutum í MA sem gera skólann okkar að skólanum okkar,“ segir Krista. Sem dæmi nefnir hún mánaðarlegar söngstundir nemenda, sem ekki yrðu möguleiki í átján hundruð manna skóla sem staðsettur yrði á tveimur stöðum. Þá nefnir hún árshátíð skólans sem haldin er ár hvert með borðhaldi og þátttöku nemenda og starfsfólks. „Það er enginn staður á Akureyri sem gæti borið slíkan viðburð. Bæjarfélagið býður ekki upp á neitt húsnæði þar sem rúmlega tvö þúsund manns gætu sest við borðhald og haldið árshátíð,“ segir Krista. „Þannig að okkur finnst þetta hreinlega svolítið vanhugsað.“ Fengu ekki að tjá sig Krista segir að þegar hugmyndir um sameiningu voru fyrst kynntar í vor hafi verið haldinn fundur í MA sem stjórn skólafélagsins var boðið á, þar hafi tveir starfsmenn menntamálaráðuneytisins setið fyrir svörum. „Og þeir lofuðu því að áður en einhverjar ákvarðanir yrðu teknar þá fengju nemendur að koma sínum skoðunum á framfæri. Fundurinn sem við fórum á í dag stangaðist algjörlega á við þessi loforð,“ segir Krista. „Við gerðum þau mistök að treysta því sem þau sögðu okkur. Og við sjáum eftir því í dag.“ Hún segir Ásmund hafa sagt að ef upp kæmi bakslag yrðu áformin um sameininguna endurskoðuð. „Við spurðum hann hreint út, er það nægilegt bakslag ef allir nemendur, starfsfólk og kennarar yrðu mótfallnir þessu. Og hann sagði nei, það væri ekki nægilegt bakslag. Og það finnst okkur fáránlegt.“
Skóla - og menntamál Akureyri Framhaldsskólar Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Ólík sýn á hvort Íslandi eigi að styðja vörn Úkraínumanna Innlent „Við höfum ekki séð þetta á Íslandi áður“ Innlent Friðartillaga Ísraela sem Biden kynnti virðist fá hljómgrunn Erlent Skítkast í „skrýtinni og óvæginni“ kosningabaráttu Innlent „Við útrýmum ekki ofbeldi með hatri“ Innlent VÍS þarf að bæta hluta jarðýtu í mannskæðu vinnuslysi Innlent Hefði „slátrað“ dóttur sinni byggju þau í „arabalandi“ Innlent Forsetavaktin 2024: Hver verður sjöundi forseti lýðveldisins? Innlent Mótmælin í dag þau hörðustu í mörg ár Innlent Ný könnun sýnir stefna í æsispennandi kjördag Innlent Fleiri fréttir Ólík sýn á hvort Íslandi eigi að styðja vörn Úkraínumanna „Við útrýmum ekki ofbeldi með hatri“ Skítkast í „skrýtinni og óvæginni“ kosningabaráttu „Við höfum ekki séð þetta á Íslandi áður“ Mótmælin í dag þau hörðustu í mörg ár Sækja veikan jeppamann á Langjökli VÍS þarf að bæta hluta jarðýtu í mannskæðu vinnuslysi Lokasprettur fyrir kosningar og umræða um kynbundið ofbeldi Ný könnun sýnir stefna í æsispennandi kjördag Hvar áttu að kjósa í forsetakosningum? Fyrirskipar forsætisráðuneytinu að fara yfir ferla „Heiðurstengt ofbeldi er ekki okkar stærsta vandamál“ Eldgosið í beinni útsendingu Taka aftur við eignum í Grindavík eftir helgi Páll sýknaður Tuttugu sendlar Wolt eiga yfir höfði sér kæru Þorvaldur tekur undir goslokaspá Haraldar Gætu gloprað niður sigrinum eða tryggt sér hann í kvöld Hefði „slátrað“ dóttur sinni byggju þau í „arabalandi“ Viðhald eigna og verðmætabjörgun í Grindavík í dag Piparúða beitt gegn mótmælendum í Skuggasundi Maðurinn sem féll í Fnjóská fannst látinn Lífið brosir við mæðgum eftir áralangt einelti Þakkar fyrir að hafa ekki þurft að beita kylfum Notuðu piparúða á mótmælendur Hvattur til að draga sig til hlés til að klekkja á Katrínu Sérfræðingar í straumvatnsleit aðstoða við leit í Fnjóská Gekk misvel að tala um kvótakerfið á fjörutíu sekúndum á ensku Bjarni fundar með Selenskí í Stokkhólmi Alþjóðasamfélagið sé að klikka á Gasa Sjá meira