Innlent

Eftir­lýstur læsti sig inni í kjallara Há­skóla Ís­lands

Eiður Þór Árnason skrifar
Atvikið átti sér stað í húsnæði Háskóla Íslands.
Atvikið átti sér stað í húsnæði Háskóla Íslands. Vísir/Vilhelm

Lögreglan hafði í dag afskipti af einstaklingi sem var búinn að læsa sig inni í kjallara í húsnæði Háskóla Íslands. Þegar lögregla kom á staðinn var ljóst að búið var að lýsa eftir honum og einstaklingurinn því handtekinn á staðnum. 

Þetta kemur fram í dagbók lögreglunnar á höfuðborgarsvæðinu sem var sömuleiðis tilkynnt um ölvaðan einstakling sem reyndi að komast inn í fjölbýlishús. Sá var handtekinn og fluttur á lögreglustöð. Að sögn lögreglu var einstaklingurinn nokkuð ölvaður og flæktu tungumálaerfiðleikar samskipti. Á lögreglustöðinni tókst að ræða betur við umræddan sem var látinn laus að því loknu. 

Einnig var tilkynnt um nágranna sem var kominn inn í íbúð hjá tilkynnanda. Laganna verðir ræddu við báða aðila og voru allir sáttir að því loknu, að sögn lögreglu. 

Þá var tilkynnt um reyk sem barst frá íbúð í fjölbýlishúsi á höfuðborgarsvæðinu. Reyndist reykurinn koma úr potti á eldavél og eru engar skemmdir taldar vera á íbúðinni sem var reykræst af slökkviliði.

Lögreglumál Háskólar Reykjavík
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið