Fjórir nýliðar og Birna aftur valin í landsliðið

Íslenska kvennalandsliðið lagði af stað til Södertalje í Svíþjóð í morgun en þessir leikir er liður í undirbúningi fyrir undankeppni EM 2025 sem byrjar í nóvember.

Benedikt valdi aftur keflvíska miðherjann Birnu Valgerði Benónýsdóttur í hópinn og það er ánægjulegt að sjá hana gefa aftur kost á sér í landsliðið.

Benedikt tók einnig fjóra nýliða með í ferðina en það eru Haukakonan Sólrún Inga Gísladóttir, Valskonan Sara Líf Boama, ÍR-ingurinn Hanna Þráinsdóttir og Þórsarinn Eva Wium Elíasdóttir.

Þóra Kristin Jónsdóttir er reyndasti leikmaður hópsins með 29 leiki en hún er nýkomin heim til Hauka.

Fjórir leikmenn liðsins eru leikmenn Keflavíkur auk þess að Keflvíkingurinn Þóranna Hodge-Carr, sem spilar í bandaríska háskólaboltanum, er einnig með.