Innlent

Út­kall á mesta for­­gangi vegna vinnu­­slyss nærri Stykkis­hólmi

Sólrún Dögg Jósefsdóttir skrifar
Útkallið barst á þriðja tímanum í dag.
Útkallið barst á þriðja tímanum í dag. Vísir/Vilhelm

Þyrla Landhelgisgæslunnar var kölluð á mesta forgangi út á þriðja tímanum í dag vegna vinnuslyss í nágrenni við Sykkishólm.

Ásgeir Erlendsson, upplýsingafulltrúi Landhelgisgæslunnar, staðfestir þetta í samtali við Vísi. Hann segir að um helgina séu þyrlurnar staðsettar á Akureyri og í Vestmannaeyjum. 

„Áhöfnin sem var í Vestmannaeyjum var á æfingarflugi þegar ósk barst um þyrluna vegna vinnuslyss í nágrenni Stykkishólms. Þyrlan fór fyrst til Reykjavíkur og síðan rakleiðis vestur og sótti þann slasaða og flutti á Landspítalann í Fossvogi, þar sem hún lenti rétt fyrir fjögur,“ segir Ásgeir í samtali við Vísi. 

Að sögn hans fást ekki nánari upplýsingar um tildrög slyssins né líðan mannsins að svo stöddu. 

Fréttin hefur verið uppfærð.

Landhelgisgæslan Stykkishólmur Vinnuslys
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið