Ekki getað aðhafst í máli Áslaugar Eiður Þór Árnason skrifar 26. júní 2023 15:47 Áslaug Ýr fékk að fara upp á svið á laugardag að athöfn lokinni. Hér er hún ásamt Jóni Atla Benediktssyni rektor, Ólöfu Garðarsdóttur, forseta Hugvísindasviðs og Gauta Kristmannssyni deildarforseta Íslensku- og menningardeildar. Aðsend Háskóli Íslands harmar að tilkynnt hafi verið að Áslaug Ýr Hjartardóttir væri ekki viðstödd brautskráningarathöfn skólans á laugardag og henni snúið frá sviðinu. Fulltrúar skólans hafi ekki verið upplýstir um stöðu mála og því ekki getað aðhafst. Áslaug Ýr, sem er lögblind, heyrnarlaus og í hjólastól hefur lýst því hvernig annmarkar á skipulagningu brautskráningarinnar hafi orðið til þess að hún sat eftir í Laugardalshöll í stað þess að taka við skírteini sínu með samnemendum. Hún fékk síðar að fara upp á svið eftir að foreldrar hennar komu athugasemdum á framfæri, en þá fyrir tómum sal. Jón Atli Benediktsson, rektor Háskóla Íslands biður Áslaugu og fjölskyldu hennar innilegrar afsökunar á atvikinu fyrir hönd skólans. „Við sem stóðum á sviðinu í Laugardagshöll vorum ekki upplýst og gátum því ekki aðhafst. Okkur þykir þetta afar leitt. Við munum fara yfir málin og ferlana í framhaldinu og leitast við að tryggja að svona gerist ekki aftur,“ segir hann í skriflegu svari til fréttastofu. Jón bætir við að gert hafi verið ráð fyrir Áslaugu við skipulagningu athafnarinnar en mistök við framkvæmdina átt sér stað þegar kom að því að afhenda skírteinið. Jón óskar Áslaugu innilega til hamingju með að hafa útskrifast með bakkalársgráðu í almennri bókmenntafræði og segist hlakka til áframhaldandi náms hennar við Háskóla Íslands. Áslaug vill sjá breytingar Í samtali við Vísi í gær áréttaði Áslaug að hún hafi almennt verið ánægð með þá þjónustu og stuðning sem hún hafi fengið á meðan námi hennar stóð. Því hafi atburðarásin á laugardag komið henni í opna skjöldu og valdið henni miklu uppnámi. Þetta er í annað sinn sem Áslaug útskrifast frá Háskóla Íslands og gekk fyrri brautskráning hennar hnökralaust fyrir sig. Áslaug hefur kallað eftir því að breytingar verði gerðar á fyrirkomulagi brautskráningar hjá skólanum þar sem mikill fjöldi nemenda auki hættu á fljótfærni og hvimleiðum mistökum sem þessum. Aðspurður hvort hann taki undir þetta segir rektor að stjórnendur skólans fari sífellt yfir hvað gera megi betur fara við brautskráningarathafnirnar og muni skoða þennan þátt sérstaklega. Gert ómögulegt að átta sig á aðstæðum Áslaug hefur greint frá því að henni hafi verið úthlutað plássi langt frá rampinum sem hún þurfti að nota til að komast upp á svið í Laugardalshöll og ekki fengið að hafa hjá sér túlka sem hún þekki vel og hafi reynslu af þeirri sértæku umhverfistúlkun sem hún hafi þörf á. Þá hafi túlkarnir sem hún fékk veitt henni óljósar upplýsingar og ekki fylgt henni í röðina sem leiddi upp á svið. Því hafi verið ómögulegt fyrir Áslaugu að átta sig á aðstæðum. „Þegar ég loks komst að rampinum var búið að kalla nafnið mitt án þess að ég vissi og ég heyrði ekki heldur tilkynnt að ég væri fjarverandi. Í stað þess að gefa mér ráðrúm til að koma mér upp á svið á mínum forsendum hélt deildarstjóri bara áfram að þylja upp nöfn. Ég sat þolinmóð eftir við rampinn og beið eftir að tekið yrði eftir mér eða að túlkarnir kæmu og létu mig vita hvað væri að gerast, en svo var ekki.“ Áslaug segir að ekkert starfsfólk hafi gripið þar inn í til að leiðrétta mistökin þó að það lægi fyrir að um fatlaðan nemanda væri að ræða. „Það hefði vel verið hægt að leysa þetta strax ef vilji hefði verið til staðar. Þetta voru triggerandi aðstæður sem ég þekki allt of vel, og þegar mér varð loks ljóst að ég fengi ekki að fara á svið og taka við skírteininu var orðið of seint – ég treysti mér ekki lengur á sviðið og gekk einfaldlega út, grátandi. Þeim var víst drullusama um fatlaða háskólanemann.“ Áslaug hefur verið nokkuð áberandi í réttindabaráttu sinni á síðustu árum og var til að mynda fyrst daufblindra Íslendinga til að ljúka háskólanámi. Þá stefndi hún íslenska ríkinu þegar henni var hafnað um endurgjaldslausa túlkaþjónustu í tengslum við þátttöku hennar í sumarbúðum fyrir daufblind ungmenni í Svíþjóð. Háskólar Málefni fatlaðs fólks Skóla - og menntamál Tengdar fréttir Áslaug er fyrst daufblindra Íslendinga til að ljúka háskólanámi Draumurinn er að starfa sem bókaútgefandi eða rithöfundur en áður en haldið er út á vinnumarkaðinn ætlar hún í frekara háskólanám. 22. febrúar 2020 21:15 Áslaug Ýr tapaði í Hæstarétti: Ekki talin eiga rétt á túlkaþjónustu Hæstiréttur staðfesti í dag dóm héraðsdóms í máli Áslaugu Ýrar Hjartardóttur. Hún haðfi krafist þess að viðurkennd yrði beiðni hennar um túlkaþjónustu í sumarbúðum í Svíþjóð. 9. nóvember 2017 18:00 Safnað fyrir túlkaþjónustu fyrir Áslaugu Ýr í Crossfit Vegna stjórnarslitanna féll Ísland í dag niður á Stöð 2 í kvöld. Þátturinn fer því í loftið á Vísi. 15. september 2017 21:11 Þvinguð á fund, félagslega einangruð og vansæl í grunnskóla Áslaug Ýr Hjartardóttir skrifaði blogg um reynslu sína af grunnskólaárunum og vandar skólanum sem hún gekk í ekki kveðjurnar. 18. febrúar 2018 23:00 Mest lesið Lést samstundis þegar ekið var á hana á 143 kílómetra hraða Innlent Greip inn í þegar aldraður faðir hans keypti bíl handa vinkonu sinni Innlent Gummi Emil sver af sér ásakanir um dýraníð: „Ég bað hestinn afsökunar“ Innlent Ólga vegna samskiptaleka: „Ég elska Hitler“ Erlent Bankinn hefur samband ef hann skuldar þér pening Innlent Sóttur sex sinnum á sjúkrabíl og slökkviliðið stefnir vegna skuldar Innlent Segir óvirðingu að kalla Ljósið „samtök úti í bæ“ Innlent Rússneskur kafbátur í fylgd sænska hersins Erlent Karlmaður í haldi vegna gruns um brot gegn barni í Hafnarfirði Innlent Álag á bráðamóttöku og fólk beðið um að leita annað Innlent Fleiri fréttir Við gætum farið að aka Sundabraut eftir sjö ár Þingmenn misvel klæddir þegar þeir voru reknir út Meintur brennuvargur í haldi lögreglu Réðst með hnífi á fanga á Litla-Hrauni Norrænir bankar skoði hvort breyta þurfi skilmálum vegna dómsins Fimmtíu ný störf í Bláskógabyggð vegna nýs baðlóns Lífeyrissjóðs-, bíla- og neytendalán gætu líka reynst ólögleg Segir óvirðingu að kalla Ljósið „samtök úti í bæ“ Áhrif vaxtamálsins, útlit Sundabrautar og þingmenn á hlaupum Vill að Þórunn tilnefni Trump til friðarverðlauna Nóbels Sóttur sex sinnum á sjúkrabíl og slökkviliðið stefnir vegna skuldar Greip inn í þegar aldraður faðir hans keypti bíl handa vinkonu sinni Gummi Emil sver af sér ásakanir um dýraníð: „Ég bað hestinn afsökunar“ Biðtíminn sé dauðans alvara sem auki álag ofan í áfallið Álag á bráðamóttöku og fólk beðið um að leita annað Sigríður Andersen nýr þingflokksformaður Miðflokksins Karlmaður í haldi vegna gruns um brot gegn barni í Hafnarfirði Bankinn hefur samband ef hann skuldar þér pening Mál leiðbeinandans á Múlaborg á leið til héraðssaksóknara „Það er allt svart þarna inni“ Ekki láglaunakvenna að axla ábyrgð á innleiðingu kynjajafnréttis Íslandsbanki ætlar að hafa frumkvæði að endurgreiðslu til kúnna Lést samstundis þegar ekið var á hana á 143 kílómetra hraða Vilja þjóðfund um menntamál og framtíð landsins „Þessi málaflokkur er bara í drasli“ Þurrt og bjart suðaustan til og stinningskaldi í kortunum Nærliggjandi hús rýmt þegar eldur kom upp á Ásbrú í morgun Vildu bregðast við sterku ákalli fólks sem hafði misst skyndilega Endurkaupaáætlun fyrir Grindvíkinga kynnt eftir áramót Nafngreindi rangan mann í frétt og dæmdur fyrir meiðyrði Sjá meira
Áslaug Ýr, sem er lögblind, heyrnarlaus og í hjólastól hefur lýst því hvernig annmarkar á skipulagningu brautskráningarinnar hafi orðið til þess að hún sat eftir í Laugardalshöll í stað þess að taka við skírteini sínu með samnemendum. Hún fékk síðar að fara upp á svið eftir að foreldrar hennar komu athugasemdum á framfæri, en þá fyrir tómum sal. Jón Atli Benediktsson, rektor Háskóla Íslands biður Áslaugu og fjölskyldu hennar innilegrar afsökunar á atvikinu fyrir hönd skólans. „Við sem stóðum á sviðinu í Laugardagshöll vorum ekki upplýst og gátum því ekki aðhafst. Okkur þykir þetta afar leitt. Við munum fara yfir málin og ferlana í framhaldinu og leitast við að tryggja að svona gerist ekki aftur,“ segir hann í skriflegu svari til fréttastofu. Jón bætir við að gert hafi verið ráð fyrir Áslaugu við skipulagningu athafnarinnar en mistök við framkvæmdina átt sér stað þegar kom að því að afhenda skírteinið. Jón óskar Áslaugu innilega til hamingju með að hafa útskrifast með bakkalársgráðu í almennri bókmenntafræði og segist hlakka til áframhaldandi náms hennar við Háskóla Íslands. Áslaug vill sjá breytingar Í samtali við Vísi í gær áréttaði Áslaug að hún hafi almennt verið ánægð með þá þjónustu og stuðning sem hún hafi fengið á meðan námi hennar stóð. Því hafi atburðarásin á laugardag komið henni í opna skjöldu og valdið henni miklu uppnámi. Þetta er í annað sinn sem Áslaug útskrifast frá Háskóla Íslands og gekk fyrri brautskráning hennar hnökralaust fyrir sig. Áslaug hefur kallað eftir því að breytingar verði gerðar á fyrirkomulagi brautskráningar hjá skólanum þar sem mikill fjöldi nemenda auki hættu á fljótfærni og hvimleiðum mistökum sem þessum. Aðspurður hvort hann taki undir þetta segir rektor að stjórnendur skólans fari sífellt yfir hvað gera megi betur fara við brautskráningarathafnirnar og muni skoða þennan þátt sérstaklega. Gert ómögulegt að átta sig á aðstæðum Áslaug hefur greint frá því að henni hafi verið úthlutað plássi langt frá rampinum sem hún þurfti að nota til að komast upp á svið í Laugardalshöll og ekki fengið að hafa hjá sér túlka sem hún þekki vel og hafi reynslu af þeirri sértæku umhverfistúlkun sem hún hafi þörf á. Þá hafi túlkarnir sem hún fékk veitt henni óljósar upplýsingar og ekki fylgt henni í röðina sem leiddi upp á svið. Því hafi verið ómögulegt fyrir Áslaugu að átta sig á aðstæðum. „Þegar ég loks komst að rampinum var búið að kalla nafnið mitt án þess að ég vissi og ég heyrði ekki heldur tilkynnt að ég væri fjarverandi. Í stað þess að gefa mér ráðrúm til að koma mér upp á svið á mínum forsendum hélt deildarstjóri bara áfram að þylja upp nöfn. Ég sat þolinmóð eftir við rampinn og beið eftir að tekið yrði eftir mér eða að túlkarnir kæmu og létu mig vita hvað væri að gerast, en svo var ekki.“ Áslaug segir að ekkert starfsfólk hafi gripið þar inn í til að leiðrétta mistökin þó að það lægi fyrir að um fatlaðan nemanda væri að ræða. „Það hefði vel verið hægt að leysa þetta strax ef vilji hefði verið til staðar. Þetta voru triggerandi aðstæður sem ég þekki allt of vel, og þegar mér varð loks ljóst að ég fengi ekki að fara á svið og taka við skírteininu var orðið of seint – ég treysti mér ekki lengur á sviðið og gekk einfaldlega út, grátandi. Þeim var víst drullusama um fatlaða háskólanemann.“ Áslaug hefur verið nokkuð áberandi í réttindabaráttu sinni á síðustu árum og var til að mynda fyrst daufblindra Íslendinga til að ljúka háskólanámi. Þá stefndi hún íslenska ríkinu þegar henni var hafnað um endurgjaldslausa túlkaþjónustu í tengslum við þátttöku hennar í sumarbúðum fyrir daufblind ungmenni í Svíþjóð.
Háskólar Málefni fatlaðs fólks Skóla - og menntamál Tengdar fréttir Áslaug er fyrst daufblindra Íslendinga til að ljúka háskólanámi Draumurinn er að starfa sem bókaútgefandi eða rithöfundur en áður en haldið er út á vinnumarkaðinn ætlar hún í frekara háskólanám. 22. febrúar 2020 21:15 Áslaug Ýr tapaði í Hæstarétti: Ekki talin eiga rétt á túlkaþjónustu Hæstiréttur staðfesti í dag dóm héraðsdóms í máli Áslaugu Ýrar Hjartardóttur. Hún haðfi krafist þess að viðurkennd yrði beiðni hennar um túlkaþjónustu í sumarbúðum í Svíþjóð. 9. nóvember 2017 18:00 Safnað fyrir túlkaþjónustu fyrir Áslaugu Ýr í Crossfit Vegna stjórnarslitanna féll Ísland í dag niður á Stöð 2 í kvöld. Þátturinn fer því í loftið á Vísi. 15. september 2017 21:11 Þvinguð á fund, félagslega einangruð og vansæl í grunnskóla Áslaug Ýr Hjartardóttir skrifaði blogg um reynslu sína af grunnskólaárunum og vandar skólanum sem hún gekk í ekki kveðjurnar. 18. febrúar 2018 23:00 Mest lesið Lést samstundis þegar ekið var á hana á 143 kílómetra hraða Innlent Greip inn í þegar aldraður faðir hans keypti bíl handa vinkonu sinni Innlent Gummi Emil sver af sér ásakanir um dýraníð: „Ég bað hestinn afsökunar“ Innlent Ólga vegna samskiptaleka: „Ég elska Hitler“ Erlent Bankinn hefur samband ef hann skuldar þér pening Innlent Sóttur sex sinnum á sjúkrabíl og slökkviliðið stefnir vegna skuldar Innlent Segir óvirðingu að kalla Ljósið „samtök úti í bæ“ Innlent Rússneskur kafbátur í fylgd sænska hersins Erlent Karlmaður í haldi vegna gruns um brot gegn barni í Hafnarfirði Innlent Álag á bráðamóttöku og fólk beðið um að leita annað Innlent Fleiri fréttir Við gætum farið að aka Sundabraut eftir sjö ár Þingmenn misvel klæddir þegar þeir voru reknir út Meintur brennuvargur í haldi lögreglu Réðst með hnífi á fanga á Litla-Hrauni Norrænir bankar skoði hvort breyta þurfi skilmálum vegna dómsins Fimmtíu ný störf í Bláskógabyggð vegna nýs baðlóns Lífeyrissjóðs-, bíla- og neytendalán gætu líka reynst ólögleg Segir óvirðingu að kalla Ljósið „samtök úti í bæ“ Áhrif vaxtamálsins, útlit Sundabrautar og þingmenn á hlaupum Vill að Þórunn tilnefni Trump til friðarverðlauna Nóbels Sóttur sex sinnum á sjúkrabíl og slökkviliðið stefnir vegna skuldar Greip inn í þegar aldraður faðir hans keypti bíl handa vinkonu sinni Gummi Emil sver af sér ásakanir um dýraníð: „Ég bað hestinn afsökunar“ Biðtíminn sé dauðans alvara sem auki álag ofan í áfallið Álag á bráðamóttöku og fólk beðið um að leita annað Sigríður Andersen nýr þingflokksformaður Miðflokksins Karlmaður í haldi vegna gruns um brot gegn barni í Hafnarfirði Bankinn hefur samband ef hann skuldar þér pening Mál leiðbeinandans á Múlaborg á leið til héraðssaksóknara „Það er allt svart þarna inni“ Ekki láglaunakvenna að axla ábyrgð á innleiðingu kynjajafnréttis Íslandsbanki ætlar að hafa frumkvæði að endurgreiðslu til kúnna Lést samstundis þegar ekið var á hana á 143 kílómetra hraða Vilja þjóðfund um menntamál og framtíð landsins „Þessi málaflokkur er bara í drasli“ Þurrt og bjart suðaustan til og stinningskaldi í kortunum Nærliggjandi hús rýmt þegar eldur kom upp á Ásbrú í morgun Vildu bregðast við sterku ákalli fólks sem hafði misst skyndilega Endurkaupaáætlun fyrir Grindvíkinga kynnt eftir áramót Nafngreindi rangan mann í frétt og dæmdur fyrir meiðyrði Sjá meira
Áslaug er fyrst daufblindra Íslendinga til að ljúka háskólanámi Draumurinn er að starfa sem bókaútgefandi eða rithöfundur en áður en haldið er út á vinnumarkaðinn ætlar hún í frekara háskólanám. 22. febrúar 2020 21:15
Áslaug Ýr tapaði í Hæstarétti: Ekki talin eiga rétt á túlkaþjónustu Hæstiréttur staðfesti í dag dóm héraðsdóms í máli Áslaugu Ýrar Hjartardóttur. Hún haðfi krafist þess að viðurkennd yrði beiðni hennar um túlkaþjónustu í sumarbúðum í Svíþjóð. 9. nóvember 2017 18:00
Safnað fyrir túlkaþjónustu fyrir Áslaugu Ýr í Crossfit Vegna stjórnarslitanna féll Ísland í dag niður á Stöð 2 í kvöld. Þátturinn fer því í loftið á Vísi. 15. september 2017 21:11
Þvinguð á fund, félagslega einangruð og vansæl í grunnskóla Áslaug Ýr Hjartardóttir skrifaði blogg um reynslu sína af grunnskólaárunum og vandar skólanum sem hún gekk í ekki kveðjurnar. 18. febrúar 2018 23:00