Innlent

Sjö bíla á­rekstur í Ár­túns­brekku

Árni Sæberg skrifar
Áreksturinn varð við eldsneytisstöð N1 við Ártúnsbrekku.
Áreksturinn varð við eldsneytisstöð N1 við Ártúnsbrekku. Vísir/Vilhelm

Laust eftir klukkan 17 í dag varð árekstur í Ártúnsbrekku við eldsneytisstöð N1 í austurátt. Alls voru sjö bílar sem lentu saman. Einn var fluttur á sjúkrahús með minniháttar áverka.

Þetta segir Lárus Steindór Björnsson, varðstjóri hjá Slökkviliði höfuðborgarsvæðisins í samtali við Vísi.

Hann segir að sjúkraflutningamenn á vettvangi hafi metið ástand eins sem lenti í árekstrinum svo að hann þyrfti á sjúkrahús til aðhlynningar en að fleirum hafi verið skutlað á sjúkrahús til skoðunar, að þeirra beiðni.

Þá sé töluvert brak á veginum og að slökkvilið sé enn að störfum á vettvangi við hreinsun. Eðli málsins samkvæmt hafa töluverðar tafir orðið á umferð en að sögn Lárusar er ein akrein opin og slökkvilið lýkur störfum fljótlega.

Slökkvilið Reykjavík Samgönguslys
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið