Íslenski boltinn

Leikur FH og KR var aðeins í nokkra klukkutíma í Árbænum

Óskar Ófeigur Jónsson skrifar
FH vann Stjörnuna á frjálsíþróttavellinum sínum á dögunum og spilar aftur þar á morgun.
FH vann Stjörnuna á frjálsíþróttavellinum sínum á dögunum og spilar aftur þar á morgun. Vísir/Hulda Margrét

FH spila ekki á Würth vellinum í Árbæ á morgun eins og tilkynnt var fyrr í dag. Leikurinn hefur verið færður aftur í Hafnarfjörð.

FH mætir KR í fjórðu umferð Bestu deild karla og átti leikurinn að fara fram í dag.

Fyrr í dag var þessum leik FH og KR frestað til morguns þar sem aðalstjórn FH hafði tilkynnt um lokun á báðum grasvöllum FH í Kaplakrika.

Fyrir stuttu síðan barst hins vegar tilkynning frá aðalstjórn FH um að lokun hefði verið aflétt af frjálsíþróttavelli félagsins.

Í framhaldinu óskaði FH eftir því að leikurinn yrði færður á varavöll félagsins. Mótanefnd KSÍ hefur því aftur breytt leikvelli í neðangreindum leik og fer hann fram á frjálsíþróttavellinum í Kaplakrika.

Þetta verður annar leikur FH á Miðvellinum á þessari leiktíð en liðið vann þar 1-0 sigur á Stjörnunni á dögunum.

Besta deild karla FH KR

Mest lesið


Fleiri fréttir

Sjá meira


×

Mest lesið