Innlent

Bein út­sending: Grænt stökk í mann­virkja­gerð

Bjarki Sigurðsson skrifar
Talið er að umhverfisáhrif mannvirkjageirans beri ábyrgð á allt að fjörutíu prósent af losun á heimsvísu.
Talið er að umhverfisáhrif mannvirkjageirans beri ábyrgð á allt að fjörutíu prósent af losun á heimsvísu. Vísir/Vilhelm

Fundur Húsnæðis- og mannvirkjastofnunar um grænt stökk í mannvirkjagerð fer fram á Grand Hótel í dag klukkan 13. Hægt er að fylgjast með fundinum í beinu streymi neðar í fréttinni.

Anders Lendager er lykilfyrirlesari á fundinum, en hann er danskur arkitekt sem hefur tekið málefnið í sínar hendur og sýnt fram á að það er hægt að taka grænt stökk í mannvirkjagerð. Hann mun halda leiðandi erindi þar sem hann kynnir hugmyndafræðina, nýtt sjónarhorn og ný atvinnutækifæri sem felast í breytingunum. Sigurður Ingi Jóhannsson innviðaráðherra ávarpar fundinn og Sigurður Hannesson, framkvæmdastjóri Samtaka iðnaðarins tekur samtal við Anders Lendager í lok fundar.

Íslenska vegferðin hefur verið kortlögð á eftirtektarverðan hátt með Vegvísi um vistvæna mannvirkjagerð en hann er samstarfsverkefni stjórnvalda og hagaðila byggingariðnaðarins. Hæfustu vísindateymi okkar Íslendinga í mannvirkjaiðnaði vinna að mikilvægum rannsóknum hjá Aski – mannvirkjarannsóknasjóði sem mörg hver eru innlegg í vegferð Vegvísins og þannig flýtir Askur innleiðingu á þeirri vegferð sem hefur verið kortlögð. HMS og Grænni byggð vinna einnig ötullega að ýmsum innleiðingarverkefnum Vegvísisins.

Hér fyrir neðan má horfa á fundinn. 

Umhverfismál Húsnæðismál Byggingariðnaður
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið