Dagskráin í dag - Besta deildin rúllar af stað með heilli umferð

Íslandsmótið í knattspyrnu hefst í dag þegar Besta deild karla rúllar af stað með heilli umferð sem verður öll í þráðbeinni útsendingu á sportstöðvum Stöðvar 2. 

Dagskránni lýkur með því að Gummi Ben og félagar í Stúkunni gera upp alla leiki umferðarinnar.

Það er þó margt annað í boði á sportstöðvum Stöðvar 2 í dag þar sem meðal annars fer fram lokaumferðin í Olís deildinni í handbolta þar sem helsta spennan er hvaða lið ná heimaleikjarétti í úrslitakeppni auk þess sem Grótta á veika von um að stela 8.sæti af Haukum og koma sér þar með í úrslitakeppni.

Tveir leikir úr lokaumferðinni verða sýndir beint; Valur-ÍBV og Afturelding-Stjarnan.

Klukkan 20:00 í kvöld verða tveir vikulegir þættir á dagskrá; Lögmál leiksins þar sem farið er yfir allt það helsta í NBA körfuboltanum og GameTíví með sinn vikulega þátt á Stöð 2 ESport.