Innlent

Edda segir skilið við Eigin konur

Auður Ösp Guðmundsdóttir skrifar
Edda stofnaði hlaðvarpið Eigin konur í mars árið 2021, ásamt Fjólu Sig­urðardótt­ur.
Edda stofnaði hlaðvarpið Eigin konur í mars árið 2021, ásamt Fjólu Sig­urðardótt­ur. Vísir/Vilhelm

Edda Falak mun hætta með hlaðvarpsþættina Eigin konur og þess í stað byrja með nýja þætti á Heimildinni. Þættirnir munu heita Edda Falak og hefja göngu sína í mars.

Edda greinir frá þessu í færslu á Instagram þar sem hún segist vera spennt fyrir komandi tímum.

„Síðasta ár hefur verið eitt mest krefjandi ár lífs míns. Eigin konur hafa verið alveg ótrúlega lærdómsríkt ferli og góðir tímar en það hefur líka verið mjög þungt að halda á þessum málaflokki ein.“

Þá segir Edda að það sé henni mikils virði að vera orðin hluti af ritstjórn Heimildarinnar, þar sem hún fái tækifæri til að halda áfram að sinna þessum málaflokki í víðara samhengi en áður.

„Ég er full af orku, til í slaginn og mjög spennt fyrir því sem koma skal.“

Fjölmiðlar
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið