Innlent

Eldur í tveggja hæða húsi á Tálkna­firði

Atli Ísleifsson og Bjarki Sigurðsson skrifa
Frá Tálknafirði.
Frá Tálknafirði. Vísir/Vilhelm

Slökkvilið Vesturbyggðar og Tálknafjarðar var kallað út eftir að tilkynnt var um eld í tveggja hæða húsi við Strandgötu á Tálknafirði um klukkan átta í morgun. Búið er að slökkva eldinn og er nú unnið að reykræstingu.

Davíð Rúnar Gunnarsson slökkvistjóri staðfestir þetta í samtali við fréttastofu. Hann segir að um sé að ræða tvíbýli en eldurinn kviknaði í eldhúsi á neðri hæðinni. 

„Slökkvilið Tálknafjarðar er mjög fljótt á staðinn, nær að brjóta upp hurð og slökkva eldinn í eldhúsinu. Það er mjög mikill reykur í öllu húsinu. Sem betur fer var enginn heima, hvorki uppi né niðri. Húsið var alveg mannlaust,“ segir Davíð.

Enn er unnið að því að reykræsta húsið og ljóst er að miklar reykskemmdir eru á neðri hæðinni. 

Vísir ræddi við eiganda íbúðarinnar sem staddur er í Reykjavík. Hann segir íbúðina hafa verið mannlausa þegr eldurinn kom upp og séu því einhverjar líkur á að kviknað hafi í út frá rafmagni. Það sé þó óljóst, en hann hafi fengið upplýsingar um að lögregla muni fá vettvanginn afhentan til rannsóknar seinni partinn. 

Gríðarmikill eldur kom upp á Tálknafirði í síðustu viku þegar kviknaði í húsi fiskeldisfélagsins Arctic Fish í Tálknafirði.

Ertu með myndir af vettvangi? Endilega sendu okkur á ritstjorn@visir.is.

Slökkvilið Tálknafjörður
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið