Dagskráin í dag - Tvíhöfði í Serie A

Boðið verður upp á tvíhöfða í ítölsku úrvalsdeildinni í fótbolta. Fyrst mætast Hellas Verona og Salernitana klukkan 17:30 á Stöð 2 Sport 3 og strax í kjölfarið er komið að leik Sampdoria og Inter.

Eins og alltaf á mánudögum er GameTíví með sinn vikulega þátt.

Körfuboltaþyrstir áhorfendur fá nóg fyrir peninginn þar sem áhugaverður leikur Tindastóls og Hattar í Subway deildinni verður á Stöð 2 Sport klukkan 19:00. Einnig er NBA þátturinn Lögmál leiksins á dagskrá.

Fyrir áhugafólk um handbolta verður einnig nóg um að vera þar sem Seinni bylgjan mun gera upp báðar Olísdeildirnar.