Elliði Snær um stuðningsmenn Íslands: „Vissi að þeir væru bilaðir en ekki svona bilaðir“

Runólfur Trausti Þórhallsson skrifar 12. janúar 2023 23:30

Elliði Snær tók á flug oftar en einu sinni í kvöld. Vísir/Vilhelm

„Í fyrsta lagi takk, get ekki lýst því. Geðveikt, gjörsamlega geðveikt að fá að spila á heimavelli í Svíþjóð,“ sagði Elliði Snær Viðarsson eftir sigur Íslands á Portúgal í fyrsta leik liðanna á HM í handbolta. Eftir að Elliða var óskað til hamingju með sigurinn var hann spurður hversu skemmtilegt það hefði verið að spila þennan leik.

Leikmenn Íslands sem og þjálfarinn Guðmundur Guðmundsson komu inn á það að leikur kvöldsins hefði allt eins getað verið spilaður í Laugardalshöll þar sem stúkan var blá frá toppi til táar.

„Ég vissi ekki að, ókei ég vissi að þeir væru bilaðir en ekki svona bilaðir. Djöfull var þetta gaman.“

Stuðningsfólk Íslands fjölmennti í kvöld.Vísir/Vilhelm

„Geðveikt, þegar maður hefur yfirhöndina er ekkert skemmtilegra,“ sagði Elliði Snær aðspurður hvernig það hefði verið að glíma við stóra og sterka leikmenn Portúgals.

„Þurfum að sýna það aftur í næsta leik og þar næsta leik. Þetta verður fljótt að snúast ef við verðum lélegir í næsta leik. Það er bara gott, maður elskar að hafa pressu og það verður einhverstaðar að finna galla á liðinu, það er ekkert lið fullkomið. Ef vörnin er veikasti hlekkurinn og hún var góð í dag þá er það bara gott,“ sagði Elliði um varnarleik Íslands.

Elliði Snær skoraði mark frá miðju í sigri kvöldsins. Henry Birgir Gunnarsson hélt að boltinn væri á leið framhjá markinu en markvörður Portúgala var ekki kominn i markið.

„Þú varst örugglega ekki einn um það en ég hafði fulla trú á þessu. Það er óverjandi að verja skeytin inn, er það ekki?“

„Þungu fargi létt, geðveikt að vinna fyrsta leik en við vildum alltaf klára þennan leik. Bara gott að vinna leikinn, ekkert meira en það. Þurftum á því að halda, ætluðum okkur að gera það og við kláruðum það,“ sagði Elliði Snær að endingu.

Klippa: Elliði Snær um íslenska stuðningsmenn: Vissi að þeir væru bilaðir en ekki svona bilaðir

Handbolti HM 2023 í handbolta Landslið karla í handbolta

Tengdar fréttir

Skýrsla Henrys: Eurovision-stemningin heldur áfram af fullum krafti

Ég er á mínu sextánda stórmóti í handbolta en gæsahúðin sem ég fékk fyrir leik í Kristianstad í kvöld er ekki mjög algeng. Þvílík umgjörð og stemning sem Íslendingarnir í stúkunni buðu upp á. Við vorum svo sannarlega á heimavelli.

12. janúar 2023 23:00

Twitter fór mikinn: „Björgvin varði aftur! ÓMÆGOD! VIÐ ERUM AÐ FARA AÐ VERÐA HEIMSMEISTARAR!“

Ísland hóf HM í handbolta með fjögurra marka sigri á Portúgal, lokatölur 30-26. Staðan var jöfn 15-15 í hálfleik og spennustigið mjög hátt, bæði innan vallar sem og á Twitter þar sem Íslendingar fóru mikinn eins og svo oft áður.

12. janúar 2023 22:20

Einkunnir strákanna á móti Portúgal: Björgvin fær sexuna og þrír með fimmu

Íslenska handboltalandsliðið vann frábæran fjögurra marka sigur á Portúgal í fyrsta leik sínum á heimsmeistaramótinu í handbolta í Svíþjóð og Póllandi.

12. janúar 2023 22:05

Topparnir í tölfræðinni á móti Portúgal: Bjarki skipti í gírinn í seinni hálfleik

Íslenska karlalandsliðið í handbolta vann flottan fjögurra marka sigur á Portúgal, 30-26, í fyrsta leik sínum á heimsmeistaramótinu í Svíþjóð og Póllandi.

12. janúar 2023 21:45

Bjarki átti erfitt með sig þegar þjálfari Portúgals útskýrði heyrnartólin

Á blaðamannafundi eftir leik Íslands og Portúgals á HM í handbolta kom sumt sérstakt fram. Þorkell Gunnar Sigurbjörnsson, fréttamaður RÚV, spurði Paulo Fidalgo, sem stýrði Portúgal í kvöld, af hverju hann hefði verið með heyrnatól allan leikinn.

12. janúar 2023 21:55

„Maður felldi tár yfir þessum stórkostlegu stuðningsmönnum“

„Þetta er búið að vera erfiður aðdragandi. Ég skal alveg játa það,“ sagði Guðmundur Guðmundsson, landsliðsþjálfari, aðspurður hvort sigurinn gegn Portúgal í kvöld hafi tekið á taugarnar. Ísland vann fjögurra marka sigur, 30-26, í fyrsta leik sínum á HM og Guðmundi var mjög létt enda andstæðingur kvöldsins ekkert lamb að leika sér við.

12. janúar 2023 22:15

„Var ekki að hitta en skal bæta það upp í næsta leik“

„Alltaf gott að klára fyrsta leik,“ sagði Aron Pálmarsson, fyrirliði Íslands, eftir fjögurra marka sigur liðsins á Portúgal í fyrsta leik HM í handbolta. Aron var mjög ánægður með að landa sigri í fyrsta leik þó hann, og liðið í heild, hafi ekki verið upp á sitt besta sóknarlega.

12. janúar 2023 21:30

„Þetta er bara ein hindrun á leiðinni“

„Þetta var geggjað allt frá því að þjóðsöngurinn byrjaði. Það kom ákveðin gæsahúð sem fylgdi okkur út leikinn,“ sagði markvörðurinn Björgvin Páll Gústavsson eftir fjögurra marka sigur Íslands gegn Portúgal á HM í handbolta, lokatölur 30-26.

12. janúar 2023 21:50