„Maður felldi tár yfir þessum stórkostlegu stuðningsmönnum“

Runólfur Trausti Þórhallsson skrifar 12. janúar 2023 22:15

Guðmundur þungt hugsi í leik kvöldsins. Vísir/Vilhelm

„Þetta er búið að vera erfiður aðdragandi. Ég skal alveg játa það,“ sagði Guðmundur Guðmundsson, landsliðsþjálfari, aðspurður hvort sigurinn gegn Portúgal í kvöld hafi tekið á taugarnar. Ísland vann fjögurra marka sigur, 30-26, í fyrsta leik sínum á HM og Guðmundi var mjög létt enda andstæðingur kvöldsins ekkert lamb að leika sér við.

„Við vissum að þetta yrði í fyrsta lagi mjög erfitt verkefni, ég er búinn að tala um það allan tímann. Liðið sem við erum að vinna í kvöld er frábært lið.“

„Það sem ég er ánægður með er hvernig við byrjum leikinn. Hvernig varnarleikurinn er góður allan leikinn, fáum á okkur 26 mörk og markvarslan er góð. Síðan kemur kafli þar sem við förum fram úr okkur svolítið, erum að gera níu tæknifeila í fyrri hálfleik og þeir að nýta það í hröðum sóknum. Þannig voru þeir inn í leiknum að mínu mati.“

„Í síðari hálfleik gerum við aðeins þrjá tæknifeila og þar með fá þeir ekki þessi léttu mörk sem þeir fengu í fyrri hálfleik. Það var þolinmæðisvinna að taka þá en guð minn almáttugur þetta var erfitt eins og ég átti von á.“

„Ég er mjög stoltur af liðinu, gríðarleg barátta og frábær andi. Svo verð ég bara að segja eitt; maður felldi tár yfir þessum stórkostlegu stuðningsmönnum. Maður er klökkur eftir þetta, að upplifa þennan stuðning frá byrjun, þjóðsönginn og það sem kom eftir leikinn. Þetta er einstakt verð ég að segja.“

„Við héldum ró okkar, maður var að vissu leyti áhyggjufullur. Eða vonsvikinn meira, en ég sagði við þá að ef við fækkum tæknifeilum þá breytist leikurinn og það gerðu þeir. Það er mikill munur á níu tæknifeilum í fyrri en þremur í seinni. Við gáfum okkur meiri tíma í sóknina en þetta var ekki einfalt mál, þetta er mjög sterkt lið og við gerðum það sem það þurfti og meira til getur maður sagt,“ sagði Guðmundur að lokum.

Klippa: Guðmundur eftir leikinn gegn Portúgal: Maður er klökkur

Handbolti HM 2023 í handbolta Landslið karla í handbolta

Tengdar fréttir

Skýrsla Henrys: Eurovision-stemningin heldur áfram af fullum krafti

Ég er á mínu sextánda stórmóti í handbolta en gæsahúðin sem ég fékk fyrir leik í Kristianstad í kvöld er ekki mjög algeng. Þvílík umgjörð og stemning sem Íslendingarnir í stúkunni buðu upp á. Við vorum svo sannarlega á heimavelli.

12. janúar 2023 23:00

Twitter fór mikinn: „Björgvin varði aftur! ÓMÆGOD! VIÐ ERUM AÐ FARA AÐ VERÐA HEIMSMEISTARAR!“

Ísland hóf HM í handbolta með fjögurra marka sigri á Portúgal, lokatölur 30-26. Staðan var jöfn 15-15 í hálfleik og spennustigið mjög hátt, bæði innan vallar sem og á Twitter þar sem Íslendingar fóru mikinn eins og svo oft áður.

12. janúar 2023 22:20

Einkunnir strákanna á móti Portúgal: Björgvin fær sexuna og þrír með fimmu

Íslenska handboltalandsliðið vann frábæran fjögurra marka sigur á Portúgal í fyrsta leik sínum á heimsmeistaramótinu í handbolta í Svíþjóð og Póllandi.

12. janúar 2023 22:05

Topparnir í tölfræðinni á móti Portúgal: Bjarki skipti í gírinn í seinni hálfleik

Íslenska karlalandsliðið í handbolta vann flottan fjögurra marka sigur á Portúgal, 30-26, í fyrsta leik sínum á heimsmeistaramótinu í Svíþjóð og Póllandi.

12. janúar 2023 21:45

„Var ekki að hitta en skal bæta það upp í næsta leik“

„Alltaf gott að klára fyrsta leik,“ sagði Aron Pálmarsson, fyrirliði Íslands, eftir fjögurra marka sigur liðsins á Portúgal í fyrsta leik HM í handbolta. Aron var mjög ánægður með að landa sigri í fyrsta leik þó hann, og liðið í heild, hafi ekki verið upp á sitt besta sóknarlega.

12. janúar 2023 21:30

„Þetta er bara ein hindrun á leiðinni“

„Þetta var geggjað allt frá því að þjóðsöngurinn byrjaði. Það kom ákveðin gæsahúð sem fylgdi okkur út leikinn,“ sagði markvörðurinn Björgvin Páll Gústavsson eftir fjögurra marka sigur Íslands gegn Portúgal á HM í handbolta, lokatölur 30-26.

12. janúar 2023 21:50