Áramótabrennur á tíu stöðum í Reykjavík

Atli Ísleifsson skrifar 28. desember 2022 13:44

Áramótabrennur á höfuðborgarsvæðinu hafa fallið niður síðustu tvö ár vegna heimsfaraldurs kórónuveirunnar. Vísir/Vilhelm

Áramótabrennur eru á dagskrá í Reykjavík en þær hafa fallið niður síðastliðin tvö ár. Það eina sem getur komið í veg fyrir þær að þessu sinni eru vindstig og vindhraði, en brennur eru ekki tendraðar ef vindstig eru yfir 10 metrar á sekúndu.

Í tilkynningu á vef Reykjavíkurborgar segir að nú sé verið að hlaða í brennur eftir þeim reglum sem gildi um það sem megi brenna - en það sé aðeins ómálað timbur.

„Áramótabrennur eru alla jafna á tíu stöðum í Reykjavík. Umsjón með þeim er ýmist á hendi borgarinnar eða félagasamtaka. Gott eftirlit og vöktun er með brennum og svo er slökkt í þeim tímalega um kvöldið.

Hver verða brennur í Reykjavík?

Kveikt verður á áramótabrennum á gamlárskvöld.

Við Ægisíðu, lítil brenna, kl. 20:30.
Í Skerjafirði gegnt Skildinganesi 48-52, lítil brenna, tendrað kl. 21:00.
Við Suðurhlíðar, neðan við Fossvogskirkjugarð, lítil brenna, kl. 20:30.
Laugardalur, fyrir neðan Laugarásveg 18, lítil brenna, kl. 20:30.
Geirsnef, á norðanverðu Geirsnefi, stór brenna, kl. 20:30.
Við Suðurfell, lítil brenna, kl. 20:30.
Við Rauðavatn að norðanverðu, lítil brenna, kl. 20:30.
Gufunes við Gufunesbæ, stór brenna, kl. 20:30.
Við Kléberg á Kjalarnesi, lítil brenna, kl. 20:30.
Úlfarsfell á athafnasvæði Fisfélagsins ofan við Lambhagaveg, lítil brenna (tendrað kl. 15:00)

Á kortinu má sjá hvar áramótabrennurnar í Reykjavík verða.Reykjavíkurborg

Fyrirvari um veðurspá

Sýslumaðurinn í Reykjavík staðfestir útgáfu brennuleyfa og fyrir hádegi á gamlársdag er veðurspá skoðuð og ákvörðun tekin um hvort það megi tendra um kvöldið. Sjá kort um staðsetningu á borgarbrennum 2022. Vefsíða með upplýsingum um áramótabrennur í Reykjavík,“ segir í tilkynningunni.

Reykjavík Áramót

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið

Fleiri fréttir