Gummi Ben gerir upp HM: „Ætla ekki að lofa hvernig ég myndi haga mér“ Valur Páll Eiríksson skrifar 20. desember 2022 10:00 Guðmundur segir mótið hafa verið afar skemmtilegt fótboltalega séð. Vísir/Sigurjón Fyrrum fótboltahetjan og sjónvarpsmaðurinn Guðmundur Benediktsson, eða Gummi Ben, skemmti sér vel yfir nýafstöðnu heimsmeistaramóti karla í fótbolta sem fram fór í Katar. Hann segir fyllilega sanngjarnt að Argentína hafi fagnað sigri. „Þetta var ótrúlegur rússibani sem við urðum vitni að og stórkostlegur leikur sem bauð upp á allt sem íþróttir bjóða upp á hreinlega. Bara stórkostlegur endir á frábæru knattspyrnumóti,“ segir Guðmundur um úrslitaleik mótsins Messi sá besti sama hvað en skildi ekki skikkjuna Lionel Messi vann langþráðan heimsmeistaratitil sem var í raun það eina sem hann átti eftir að vinna á ferlinum. Margur segir þetta binda enda á umræðu um það hver er besti leikmaður allra tíma en Guðmundur var alltaf klár á því að Messi væri þar efstur á lista burtséð frá úrslitum helgarinnar. „Ég hef aldrei einhvern veginn efast um það. Þetta breytti ekkert miklu fyrir mig að hann hafi unnið heimsmeistaramótið. Í mínum huga hafa hann og Maradona alltaf verið tveir bestu leikmenn sögunnar,“ „Pelé er þar líka, þótt maður hafi einfaldlega ekki séð nægilega mikið af honum. En líklega hefur hann þaggað niður í einhverjum með þessum titli og átti hann svo sannarlega skilið,“ segir Guðmundur. Guðmundi þótti hins vegar furðulegt að sjá Messi í katarskri skikkju á stóru stundinni. „Ég skildi reyndar ekki það skikkjumál. Ég hefði bara leyft honum að vera í Argentínubúningnum og leyft honum að skína“. Klippa: Gummi Ben gerir upp HM Mikilvægi Martínez gleymist ekki vegna Messi Emiliano Martínez, markvörður Argentínu, varði eina spyrnu í vítakeppninni sem réði úrslitum. Varsla hans frá Frakkanum Kolo Muani í framlengingunni úr dauðafæri var ekki litlu mikilvægari. En gleymist mikilvægi hans í allri umræðunni um Messi? „Ég hugsa að það gleymist ekki, líklega aldrei því þetta var á þvílíku augnabliki þar sem að Frakkarnir hefðu hreinlega gert út um þetta og stolið þessu undir restina,“ „Ég segi stolið af því að Argentína spilaði að mínu mati fullkominn leik í rúmar 70 mínútur og það virtist vera sem Frakkarnir ættu einfaldlega engin svör við þessu. En þeir eru með Mbappé sem gefur manni alltaf von og það var heldur betur von sem virkaði í gær þó það hafi ekki dugað til að taka titilinn sjálfan,“ segir Guðmundur. „Ekki hægt að setja sig í þessu spor“ Óhætt er að segja að hegðun Martínez eftir leik hafi ekki verið til fyrirmyndar. Bæði við viðtöku verðlauna sem markvörður mótsins og níðsöngvar í fagnaðarlátunum eftir leik. Guðmundur kveðst ekki dæma hann af því. „Það er eiginlega ekki hægt að setja sig í þessi spor. Þegar þú ert heimsmeistari ætla ég ekki að dæma neinn. Það er eitthvað sem maður á eftir að prófa, vonandi einhvern tímann, ég veit ekki hvort það muni gerast í þessu lífi. En ég ætla ekki að lofa hvernig ég myndi haga mér ef ég yrði heimsmeistari,“ segir Guðmundur. Úrslitaleikurinn rúsínan í pylsuendanum En hvað stendur upp úr á mótinu? „Að sjálfsögðu stendur þessi úrslitaleikur upp úr. Hann tók einhvern veginn sviðljósið alveg yfir með því að vera svona stórkostlegur leikur. Fótboltinn í heild sinni fannst mér mjög skemmtilegur, mörg góð lið og mörg lið sem töldu sig geta unnið keppnina,“ „En ég held þetta hafi verið fyllilega sanngjarnt að Messi og Argentína hafi tekið þetta að lokum. Ég hefði alveg unað Frökkum líka að vinna því að þeir voru, finnst mér, heilt yfir besta liðið og með sterkasta hópinn þrátt fyrir áföll en bara frábært mót í heildina,“ segir Guðmundur. Vonandi að leikurinn sé að jafnast Guðmundur fagnar því að fleiri lið séu farin að gera sig gildandi á stóra sviðinu en Marokkó varð fyrsta Afríkuþjóðin til að komast í undanúrslit í sögu mótsins. „Við erum að sjá lið frá Afríku í fyrsta skipti komast svona langt og vonandi er leikurinn að jafnast, heimsálfurnar að nálgast hvora aðra. Því þetta hefur bara verið Evrópa og Suður-Ameríka hingað til sem hafa unnið heimsmeistaramótið,“ „Það breyttist ekki í ár en Marokkó fór mjög nálægt því og eiga mikið hrós skilið. Vonandi er þetta það sem koma skal að lið frá Afríku og öðrum heimsálfum fari að blanda sér í þetta,“ segir Guðmundur. Viðtal við Gumma Ben um HM má sjá í heild sinni í spilaranum að ofan. HM 2022 í Katar Mest lesið Forseti ÍSÍ fær laun og framboðin aldrei verið fleiri Sport Vilja að Arna elti stóru systur: „Þær eru svakalegir íþróttamenn“ Íslenski boltinn Með Man. Utd til Spánar en mega samt ekki spila Enski boltinn Sá besti íhugaði að hætta: Þeir litu öðruvísi á mig Sport Dagskráin: Glódís í úrslitaleik, United á Spáni og einvígið hefst á Ásvöllum Sport Allt jafnt eftir ótrúlega sýningu í Barcelona Fótbolti Chelsea meistari sjötta árið í röð Enski boltinn Ronaldo klúðraði í lokin og eyðimerkurgangan heldur áfram Fótbolti Orri sá farmiðann til Kölnar enda í tætaranum Handbolti Sádar eltast við þrjá framherja Liverpool Enski boltinn Fleiri fréttir Vilja að Arna elti stóru systur: „Þær eru svakalegir íþróttamenn“ Með Man. Utd til Spánar en mega samt ekki spila Chelsea meistari sjötta árið í röð Rodri aftur til æfinga en sagður bíða eftir HM Ronaldo klúðraði í lokin og eyðimerkurgangan heldur áfram Allt jafnt eftir ótrúlega sýningu í Barcelona Sjáðu sjálfsmarkið sem skipti sköpum og fyrstu mörk Lífar Sádar eltast við þrjá framherja Liverpool Fylki og Keflavík spáð sigri í Lengjudeildunum „Ætlum að gera eitthvað einstakt í París“ Stokke í raðir Aftureldingar Bikarvörnin hefst gegn Fram Ten Hag líklegur til að taka við af Alonso Fékk sex leikja bann fyrir æðiskastið „Held að Víkingar hafi keypt rangan framherja úr HK“ Sjáðu markið sem kom PSG í bílstjórasætið gegn Arsenal Bjarki um gjaldþrotið: „Þú ert niðurlægður á ákveðinn hátt“ ITV styður Ian Wright og gæti losað sig við Eni Aluko Stúkan um Stjörnuna: „Er algjört kjaftæði“ Arnór Borg í Vestra og Fram fann markmann Víkingur fær leikmann úr dönsku B-deildinni „Fannst við halda góðri stjórn á leiknum“ Uppgjörið: Breiðablik - Fram 7-1 | Upprúllun í Kópavogi Uppgjörið: Víkingur R. - Þróttur R. 0-1 | Óheppilegt sjálfsmark skilaði gestunum sigri Hin þaulreynda Anna Björk heim í KR Mark snemma leiks gerði gæfumuninn Henríetta lánuð til Þór/KA Aftur heim í Stjörnuna eftir dvöl hjá FH Gylfi valdið mestum vonbrigðum Telma mætt aftur með gullhanskann í Breiðablik Sjá meira
„Þetta var ótrúlegur rússibani sem við urðum vitni að og stórkostlegur leikur sem bauð upp á allt sem íþróttir bjóða upp á hreinlega. Bara stórkostlegur endir á frábæru knattspyrnumóti,“ segir Guðmundur um úrslitaleik mótsins Messi sá besti sama hvað en skildi ekki skikkjuna Lionel Messi vann langþráðan heimsmeistaratitil sem var í raun það eina sem hann átti eftir að vinna á ferlinum. Margur segir þetta binda enda á umræðu um það hver er besti leikmaður allra tíma en Guðmundur var alltaf klár á því að Messi væri þar efstur á lista burtséð frá úrslitum helgarinnar. „Ég hef aldrei einhvern veginn efast um það. Þetta breytti ekkert miklu fyrir mig að hann hafi unnið heimsmeistaramótið. Í mínum huga hafa hann og Maradona alltaf verið tveir bestu leikmenn sögunnar,“ „Pelé er þar líka, þótt maður hafi einfaldlega ekki séð nægilega mikið af honum. En líklega hefur hann þaggað niður í einhverjum með þessum titli og átti hann svo sannarlega skilið,“ segir Guðmundur. Guðmundi þótti hins vegar furðulegt að sjá Messi í katarskri skikkju á stóru stundinni. „Ég skildi reyndar ekki það skikkjumál. Ég hefði bara leyft honum að vera í Argentínubúningnum og leyft honum að skína“. Klippa: Gummi Ben gerir upp HM Mikilvægi Martínez gleymist ekki vegna Messi Emiliano Martínez, markvörður Argentínu, varði eina spyrnu í vítakeppninni sem réði úrslitum. Varsla hans frá Frakkanum Kolo Muani í framlengingunni úr dauðafæri var ekki litlu mikilvægari. En gleymist mikilvægi hans í allri umræðunni um Messi? „Ég hugsa að það gleymist ekki, líklega aldrei því þetta var á þvílíku augnabliki þar sem að Frakkarnir hefðu hreinlega gert út um þetta og stolið þessu undir restina,“ „Ég segi stolið af því að Argentína spilaði að mínu mati fullkominn leik í rúmar 70 mínútur og það virtist vera sem Frakkarnir ættu einfaldlega engin svör við þessu. En þeir eru með Mbappé sem gefur manni alltaf von og það var heldur betur von sem virkaði í gær þó það hafi ekki dugað til að taka titilinn sjálfan,“ segir Guðmundur. „Ekki hægt að setja sig í þessu spor“ Óhætt er að segja að hegðun Martínez eftir leik hafi ekki verið til fyrirmyndar. Bæði við viðtöku verðlauna sem markvörður mótsins og níðsöngvar í fagnaðarlátunum eftir leik. Guðmundur kveðst ekki dæma hann af því. „Það er eiginlega ekki hægt að setja sig í þessi spor. Þegar þú ert heimsmeistari ætla ég ekki að dæma neinn. Það er eitthvað sem maður á eftir að prófa, vonandi einhvern tímann, ég veit ekki hvort það muni gerast í þessu lífi. En ég ætla ekki að lofa hvernig ég myndi haga mér ef ég yrði heimsmeistari,“ segir Guðmundur. Úrslitaleikurinn rúsínan í pylsuendanum En hvað stendur upp úr á mótinu? „Að sjálfsögðu stendur þessi úrslitaleikur upp úr. Hann tók einhvern veginn sviðljósið alveg yfir með því að vera svona stórkostlegur leikur. Fótboltinn í heild sinni fannst mér mjög skemmtilegur, mörg góð lið og mörg lið sem töldu sig geta unnið keppnina,“ „En ég held þetta hafi verið fyllilega sanngjarnt að Messi og Argentína hafi tekið þetta að lokum. Ég hefði alveg unað Frökkum líka að vinna því að þeir voru, finnst mér, heilt yfir besta liðið og með sterkasta hópinn þrátt fyrir áföll en bara frábært mót í heildina,“ segir Guðmundur. Vonandi að leikurinn sé að jafnast Guðmundur fagnar því að fleiri lið séu farin að gera sig gildandi á stóra sviðinu en Marokkó varð fyrsta Afríkuþjóðin til að komast í undanúrslit í sögu mótsins. „Við erum að sjá lið frá Afríku í fyrsta skipti komast svona langt og vonandi er leikurinn að jafnast, heimsálfurnar að nálgast hvora aðra. Því þetta hefur bara verið Evrópa og Suður-Ameríka hingað til sem hafa unnið heimsmeistaramótið,“ „Það breyttist ekki í ár en Marokkó fór mjög nálægt því og eiga mikið hrós skilið. Vonandi er þetta það sem koma skal að lið frá Afríku og öðrum heimsálfum fari að blanda sér í þetta,“ segir Guðmundur. Viðtal við Gumma Ben um HM má sjá í heild sinni í spilaranum að ofan.
HM 2022 í Katar Mest lesið Forseti ÍSÍ fær laun og framboðin aldrei verið fleiri Sport Vilja að Arna elti stóru systur: „Þær eru svakalegir íþróttamenn“ Íslenski boltinn Með Man. Utd til Spánar en mega samt ekki spila Enski boltinn Sá besti íhugaði að hætta: Þeir litu öðruvísi á mig Sport Dagskráin: Glódís í úrslitaleik, United á Spáni og einvígið hefst á Ásvöllum Sport Allt jafnt eftir ótrúlega sýningu í Barcelona Fótbolti Chelsea meistari sjötta árið í röð Enski boltinn Ronaldo klúðraði í lokin og eyðimerkurgangan heldur áfram Fótbolti Orri sá farmiðann til Kölnar enda í tætaranum Handbolti Sádar eltast við þrjá framherja Liverpool Enski boltinn Fleiri fréttir Vilja að Arna elti stóru systur: „Þær eru svakalegir íþróttamenn“ Með Man. Utd til Spánar en mega samt ekki spila Chelsea meistari sjötta árið í röð Rodri aftur til æfinga en sagður bíða eftir HM Ronaldo klúðraði í lokin og eyðimerkurgangan heldur áfram Allt jafnt eftir ótrúlega sýningu í Barcelona Sjáðu sjálfsmarkið sem skipti sköpum og fyrstu mörk Lífar Sádar eltast við þrjá framherja Liverpool Fylki og Keflavík spáð sigri í Lengjudeildunum „Ætlum að gera eitthvað einstakt í París“ Stokke í raðir Aftureldingar Bikarvörnin hefst gegn Fram Ten Hag líklegur til að taka við af Alonso Fékk sex leikja bann fyrir æðiskastið „Held að Víkingar hafi keypt rangan framherja úr HK“ Sjáðu markið sem kom PSG í bílstjórasætið gegn Arsenal Bjarki um gjaldþrotið: „Þú ert niðurlægður á ákveðinn hátt“ ITV styður Ian Wright og gæti losað sig við Eni Aluko Stúkan um Stjörnuna: „Er algjört kjaftæði“ Arnór Borg í Vestra og Fram fann markmann Víkingur fær leikmann úr dönsku B-deildinni „Fannst við halda góðri stjórn á leiknum“ Uppgjörið: Breiðablik - Fram 7-1 | Upprúllun í Kópavogi Uppgjörið: Víkingur R. - Þróttur R. 0-1 | Óheppilegt sjálfsmark skilaði gestunum sigri Hin þaulreynda Anna Björk heim í KR Mark snemma leiks gerði gæfumuninn Henríetta lánuð til Þór/KA Aftur heim í Stjörnuna eftir dvöl hjá FH Gylfi valdið mestum vonbrigðum Telma mætt aftur með gullhanskann í Breiðablik Sjá meira