Innlent

Skoða að loka fimm sund­laugum á höfuð­­­borgar­­­svæðinu

Elísabet Inga Sigurðardóttir skrifar
Þessi munu mögulega ekki geta stundað sundleikfimi næstu daga.
Þessi munu mögulega ekki geta stundað sundleikfimi næstu daga. Vísir/Vilhelm

Fimbulkulda er spáð á öllu landinu út vikuna og getur hann haft áhrif á sundlaugar landsins. Forsvarsmenn Veitna íhuga nú hvort loka þurfi Vesturbæjarlaug, Sundhöll Reykjavíkur, Dalslaug, Suðurbæjarlaug og Ásvallalaug vegna áskorana í flutningskerfum.

Ef til þess kemur mun lokun einungis vara í nokkra daga á meðan álagið er sem mest. Samkvæmt upplýsingum frá Veitum er möguleg aðgerð til þess fallin að létta á flutningi vatns og til að minnka álag. 

„Við hvetjum fólk til að fara vel með varmann, opna ekki gluggann til kælinga og athuga með þéttingar á gluggum og hurðum. Einnig er ráð að tryggja að hitakerfið sé að virka rétt og láta ekki renna í heita pottinn á allra köldustu dögunum,“ segir í tilkynningu.

Sunnlendingar hafa þegar kynnst lífinu án sundlauga. Loka þurfti Sundlaug Selfoss á dögunum og sömu sögu er að segja á Hvolsvelli, Hellu og sundlauginni í Laugalandi.

Sundlaugar Veður Reykjavík Hafnarfjörður
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið