Innlent

Mynd­band sýnir hnífa­á­rásina á Bankastræti Club

Bjarki Sigurðsson skrifar
Skjáskot úr myndbandi öryggismyndavélar staðarins.
Skjáskot úr myndbandi öryggismyndavélar staðarins.

Myndbönd úr öryggismyndavélum Bankastræti Club frá því að hnífstunguárás var framin þar á aðfaranótt föstudags eru í dreifingu. Þar má sjá að árásin tók ekki meira en mínútu frá því að fyrstu menn ruddust inn þar til allir voru búnir að hlaupa út. 

Myndböndin eru tvö, það fyrra sýnir ganginn fyrir utan VIP-herbergið svokallaða þar sem árásin átti sér stað. Þar má sjá mennina, sem voru 27 talsins, ganga niður stigann og fara inn í herbergið, hver á eftir öðrum. Allir eru þeir með grímur, lambhúshettur eða annað slíkt til að hylja andlit sitt. 

Í seinna myndbandinu má sjá úr innsta horni herbergisins. Þar sést þegar mennirnir sem ráðist var á eru á leið út úr herberginu en er ýtt aftur þar inn. Þeir reyna að berjast á móti en árásarmennirnir voru fljótir að yfirbuga þá, enda 27 á móti þremur. 

Þá byrja þeir að lemja mennina þrjá og sparka í þá. Einhverjir árásarmannanna voru vopnaðir hnífum en á myndbandinu er ekki ljóst hversu margir þeirra náðu að stinga fórnarlömbin. Undir lok myndbandsins má þó sjá þegar einn mannanna stingur fórnarlamb nokkrum sinnum í bakið á meðan hann liggur á bekk. 

Myndböndin sem eru í dreifingu má sjá í spilaranum hér fyrir neðan. Rétt er að taka fram að þau eru alls ekki fyrir viðkvæma og því varað við myndbandinu.

Klippa: Hnífstunguárás á Bankastræti Club

Alls hafa þrjátíu verið handtekin við rannsókn málsins og á annan tug sætir gæsluvarðhaldi. Enn er þriggja einstaklinga leitað. Dagana fyrir árásina höfðu meintir árásarmenn staðið í hótunum við fórnarlömbin á samfélagsmiðlum. 

Í dag fóru síðan í dreifingu skjáskot af skilaboðum um yfirvofandi hefndarárás sem var sögð eiga fara fram um helgina. Skilaboðin gáfu í skyn að félagar fórnarlambanna ætluðu að ráðast á dyraverði um alla miðborg Reykjavíkur en meintir árásarmenn eru taldir tengjast dyravarðafyrirtæki. 

Einn þeirra slösuðu var þó fljótur að gefa lítið fyrir þessi skilaboð og bað hann fólk um að hætta að dreifa þeim. Hann sagði þau augljósalega vera kjaftæði. 


Tengdar fréttir

Tæp­lega þrjá­tíu verið hand­tekin en tveggja enn leitað

Lögreglan hefur handtekið 27 manns í tengslum við rannsókn á hnífstunguárás á Bankastræti Club á aðfaranótt föstudags í síðustu viku. Tíu þeirra hefur verið sleppt úr haldi en lögreglan leitar enn að tveimur einstaklingum. 

Lög­regla man ekki eftir eins um­fangs­miklum á­tökum í undir­heimum

Að­stoðar­yfir­lög­reglu­þjónn segir það vel þekkt að hópar í undir­heimum hóti fjöl­skyldu­með­limum hver annars. Hann man þó ekki eftir eins um­fangs­miklum á­tökum og hafa myndast í kring um hnífs­tungu­á­rásina á Banka­stræti Club. Fjöl­skyldu­með­limir mannanna sem hafa verið hand­teknir grunaðir um á­rásina hafa sætt stöðugum hótunum og á­rásum síðan og ein­hverjir hafa flúið út á land vegna á­standsins.

Hótanir, brotnar rúður og bensínsprengjur

Hótanir hafa gengið á milli hópa tengdum hnífstunguárásinni á Bankastræti club eftir að hún var gerð á fimmtudag. Þetta staðfestir Margeir Sveinsson aðstoðaryfirlögregluþjónn á höfuðborgarsvæðinu í samtali við fréttastofu. 

Um tuttugu grímu­klæddir menn réðust inn á klúbbinn

Lög­regla úti­lokar ekki að fleiri verði hand­teknir í dag í tengslum við al­var­lega hnífs­tungu­á­rás gegn þremur mönnum á skemmti­staðnum Banka­stræti Club í gær­kvöldi. Talið er að hátt í tuttugu grímu­klæddir menn hafi ráðist inn á staðinn.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.