Snoop Dogg er mættur í gælu­dýra­bransann

Þrátt fyrir að nafnið á vörulínunni sé leikur að orðum í tengslum við nafn kappans er einnig í boði varningur fyrir ketti. „Ef að hundarnir mínir eru ekki ferskir er ég ekki ferskur,“ segir hann um innblásturinn fyrir línuna. Hann segir að útlit hundanna sinna endurspegli hann sjálfan og því þurfi þeir að koma vel fyrir.

Línan er byggð upp í kringum lífsstíl rapparans og geta gæludýrin nú klæðst flíkum í anda Snoop Dogg. Einnig verður hægt að kaupa hafnarboltahúfur á dýrin með áföstum fléttum líkt og rapparinn ber á höfði sér. Það er ekki aðeins um fatalínu að ræða því einnig er hægt að kaupa ýmsa aukahluti líkt og rúm, ólar, skálar og bangsa.