Vildu ekki starfa saman og voru báðir látnir fara

Þór/KA var í fallhættu í mestallt sumar en tókst með góðri rispu í ágúst og september að bjarga sæti sínu og enda í 7. sæti Bestu deildar kvenna, fimm stigum frá fallsæti. Liðið endaði því á sömu slóðum og síðustu tvö tímabil.

Jón Stefán segir í færslu á Facebook að þeir Perry hafi báðir tilkynnt stjórn að þeir vildu halda áfram að stýra Þór/KA, en að þeir teldu hagsmunum liðsins betur borgið með því að stjórnin veldi á milli þeirra. Segir hann þá hafa ólíka sýn á fótbolta og vera ólíka þjálfara, þó að þeir séu mjög góðir vinir.

„En ástæða uppsagnar okkar beggja er sum sé sú að stjórn vildi ekki gera upp á milli okkar og því væri sanngjarnast að láta okkur báða fara. Ekkert flóknara en það,“ skrifar Jón Stefán og tekur fram að niðurstaðan sé auðvitað virkilega svekkjandi.