67 prósent hjúkrunarfræðinga íhugað alvarlega að hætta

Hólmfríður Gísladóttir skrifar 4. október 2022 07:15

Guðbjörg Pálsdóttir, formaður Félags íslenskra hjúkrunarfræðinga. Vísir/Sigurjón

66,8 prósent hjúkrunafræðinga, eða tveir af hverjum þremur, hefur íhugað af alvöru að hætta störfum á síðustu tveimur árum. Þetta eru niðurstöður viðamikillar könnunar Félags íslenskra hjúkrunarfræðinga.

Um það bil 1.900 hjúkrunarfræðingar svöruðu könnuninni, sem leiddi í ljós að álag og launakjör eru helstu ástæður þess að hjúkrunarfræðingar íhuga að hætta störfum.

Guðbjörg Pálsdóttir, formaður félags hjúkrunarfræðinga, segir í samtali við Fréttablaðið að á sama tíma og nærri 70 prósent hefðu íhugað að hætta séu yfir 60 prósent almennt ánægðir í starfi.

„Fólki er hlýtt til fagsins en aðstæður eru að buga það,“ segir hún.

Guðbjörg segir könnunina hafa afhjúpað starfsaðstæður stéttarinnar en yfir 50 prósent segist sjaldan, stundum eða aldrei hafa talið sig geta tryggt lágmarksöryggi sjúklinga í upphafi vaktar. Þetta sá áminning fyrir samfélagið.

Heilbrigðismál Landsvirkjun Vinnumarkaður

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.