Fótbolti

Óttar skoraði enn eitt markið í endurkomusigri Oakland Roots

Hjörtur Leó Guðjónsson skrifar
Óttar Magnús Karlsson hefur skorað 18 mörk fyrir Oakland Roots á tímabilinu.
Óttar Magnús Karlsson hefur skorað 18 mörk fyrir Oakland Roots á tímabilinu. Twitter@oaklandrootssc

Knattspyrnumaðurinn Óttar Magnús Karlsson skoraði enn eitt markið fyrir Oakland Roots er liðið vann 2-1 endurkomusigur gegn Birmingham í næstefstu deild bandaríska fótboltans í nótt. Markið var hans átjánda á tímabilinu.

Óttar skoraði fyrra mark heimamanna þegar hann jafnaði metin í 1-1 á 24. mínútu eftir að Enzo Martinez hafði komið gestunum yfir þremur mínútum áður.

Það var svo Juan Azocar sem skoraði sigurmark Oakland Roots stuttu fyrir leikslok og niðurstaðan því 2-1 sigur Óttars og félaga.

Óttar hefur verið iðinn við markaskorun á tímabilinu og eins og áður segir var þetta hans átjánda mark á tímabilinu. Hann er þriðji markahæsti leikmaður deildarinnar á eftir þeim Milan Iloski, sem hefur skorað 21 mark, og Phillip Goodrum, sem hefur skorað 19.

Oakland Roots situr í sjöunda sæti Vesturdeildarinnar með 52 stig eftir 32 leiki.




Fleiri fréttir

Sjá meira


×