Innlent

Brynhildur nýr framkvæmdastjóri NAFO

Fanndís Birna Logadóttir skrifar
Brynhildur hefur unnið störf tengd sjávarútvegi í áratugi.
Brynhildur hefur unnið störf tengd sjávarútvegi í áratugi.

Brynhildur Benediktsdóttir, sérfræðingur í matvælaráðuneytinu, hefur verið ráðinn framkvæmdastjóri Norðvestur-Atlantshafsfiskveiðistofnunarinnar, NAFO. Þrettán lönd eiga aðild að NAFO, þar á meðal Ísland. 

Frá þessu er greint í tilkynningu á vef Stjórnarráðsins en Brynhildur var ráðin á ársfundi stofnunarinnar sem haldinn var í síðustu viku. Markmið NAFO er að tryggja langtímavernd og sjálfbæra nýtingu fiskveiðiauðlinda á samningssvæðinu og standa vörð um vistkerfi hafsins. 

Brynhildur er hagfræðingur að mennt með diplómanám í hafrétti og meistaragráðu í viðskiptafræði frá Háskólanum á Akureyri. Þá hefur hún unnið störf tengd sjávarútvegi í áratugi en frá árinu 2008 hefur hún starfað á skrifstofu sjávarútvegs í matvælaráðuneytinu. 

Hún hefur einnig verið fulltrúi í og leitt sendinefndir Ísland á alþjóðavettvangi í sjávarútvegi. Þar á meðal í norrænu ráðherranefndinni, OECD, ICCAT, NEAF, NAFO og FAO ásamt WTO og á vettvangi SÞ auk þess að vinna að fiskveiðistjórnun innanlands.

Hún mun hefja störf á skrifstofu NAFO í Kanada um áramót. 

Sjávarútvegur Vistaskipti
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið