Á þriðja ár í fangelsi fyrir fíkniefna-, valdstjórnar- og sóttvarnalagabrot Kjartan Kjartansson skrifar 22. september 2022 17:30 Héraðsdómur Norðurlands eystra á Akureyri. Vísir/Vilhelm Héraðsdómur Norðurlands eystra dæmdi Reyni Örn Guðrúnarson í tveggja ára og níu mánaða fangelsi fyrir ýmis fíkniefna- og umferðarlagabrot og brot gegn valdstjórninni. Hann var einnig sakfelldur fyrir að brjóta sóttvarnalög með því að hunsa fyrirmæli um einangrun þegar hann var smitaður af Covid-19. Reynir Örn var sakfelldur fyrir brot gegn sóttvarnalögum, akstur undir áhrifum ávana- og fíkniefna og sviptur ökuréttindum, vörslu fíkniefna og frammistöðubætandi efna og brot gegn valdstjórninni. Sóttvarnalagabrotið framdi hann þegar hann var smitaður af Covid-19 og átti að vera í einangrun á Akureyri. Lögreglumaður hafði afskipti af honum þar sem hann sat í kyrrstæðum bíl við verslunarmiðstöð í Borgarnesi að nóttu til í október 2020. Eftir að leiðir þeirra skildi komst lögreglumaðurinn að raun um að Reynir Örn hefði verið sviptur ökuréttindum vegna fyrri brota og að hann ætti að vera í einangrun á Akureyri. Tilkynnti hann lögreglunni á Akureyri um það. Bílnúmer bifreiðar hans var þá vaktað og fékk lögregla boð um að henni hefði verið ekið inn á Akureyri snemma um morguninn. Þegar lögreglumenn fóru að húsnæði sem þeir vissu að Reynir Örn hefði til umráða sáu þeir á eftir honum og bílinn í lausagangi fyrir utan. Engu að síður neitaði Reynir Örn að hann hefði ekið bifreiðinni eða farið út. Rannsókn lögreglu leiddi í ljós að Reynir Örn hefði keypt bifreiðina á Reykjanesi áður en afskipti voru höfð af honum í Borgarnesi. Hann var sakfelldur fyrir brot á sóttvarnalögum og fyrir að hafa ekið bifreiðinni sviptur ökurétttindum. Hótaði að drepa lögreglumenn Ákæra fyrir brot gegn valdstjórninni varðaði uppákomu í júlí í fyrra þegar lögreglumenn höfðu afskipti af Reyni Erni á Akureyri. Tilkynnt hafði verið um æstan mann að ráðast að konu og að hann hefði brotið bílrúðu. Lögreglumenn báru að Reynir Örn hefði þegar veist að þeim. Hann hafi verið mjög æstur og í annarlegu ástandi. Hlýddi hann ekki fyrirmælum lögreglu og hótaði ítrekað að drepa lögreglumennina. „Ég drep ykkur öll ein daginn, einn daginn drep ég ykkur,“ heyrðist hann meðal annars segja á upptöku úr búkmyndavél lögreglumanns. Játaði Reynir Örn á sig vörslu á ýmsum örvandi og frammistöðubætandi efnum, þar á meðal amfetamíni og kókaíni, í nóvember 2020. Ákæruvaldið féll frá ákæru vegna frekari fíkniefnalagabrota sem Reynir Örn játaði á sig á þessu ári. Hegningarauki við fyrri sakadóm Við ákvörðun refsingar var litið til þess að brotin hefðu öll verið framin fyrir uppsögu dóms sem hann hlaut í október í fyrra fyrir að aka undir áhrifum fíkniefna og sviptur ökurétti. Þau brot voru rof á skilorði og því eldri dómur frá 2017 tekinn upp aftur og Reyni Erni gerð refsing í einu lagi. Sá dómur varðaði þjófnað, tilraun til þjófnaðar, vörslu fíkniefna, tollalagabrot, nytjastuld, eignaspjöll, húsbrot, hótanir, líkamsárás, akstur undir áhrifum fíkniefna og án ökuréttinda. Reyni Erni var því dæmdur hegningarauki við dóminn frá því í fyrra og honum gerð refsing í einu lagi. Var refsing hans ákveðin tvö ár og níu mánuðir í fangelsi. Í ljósi þess að um hegningarauka við dóm sem var skilorðbundinn að hluta taldi dómurinn rétt að skilorðsbinda þrjátíu mánuði af refsingunni til þriggja ára. Ítrekuð var fyrri svipting hans á ökurétti ævilangt. Dómsmál Faraldur kórónuveiru (COVID-19) Fíkniefnabrot Mest lesið Fólk veltir fyrir sér hvort Áslaug Arna hafi verið slompuð í ræðustól Innlent Maðurinn kominn í leitirnar Innlent Skoða hvort eitthvað saknæmt hafi átt sér stað Innlent Annar látinn eftir eldsvoðann á Hjarðarhaga Innlent Fær þyngri dóm fyrir að nauðga konu, taka það upp og senda henni Innlent Fólki sé vel treystandi til að fá sér bjór á íþróttaviðburðum Innlent NEL tekur fyrir mál fjölskyldu Sigurðar Kristófers í júní Innlent Íslendingur í Bandaríkjunum: „Þetta er mjög óþægileg staða“ Erlent Hvetja Íslendinga í Harvard til að hafa samband Erlent Lagði Livio sem þarf að punga út 25 milljónum króna Innlent Fleiri fréttir Annar látinn eftir eldsvoðann á Hjarðarhaga Lagði Livio sem þarf að punga út 25 milljónum króna Stefna að opnun nýs hjúkrunarheimilis á Akureyri árið 2028 Framkvæmdir í tómri Árbæjarlaug ganga vel Fólk veltir fyrir sér hvort Áslaug Arna hafi verið slompuð í ræðustól Ný samræmd próf taki ekki yfir skólastarfið eins og þau gömlu Upptök eldsvoðans í rannsókn og nemar við Harvard áhyggjufullir Skoða hvort eitthvað saknæmt hafi átt sér stað Bein útsending: Að eldast á Íslandi Lítil hreyfing á fylgi stjórnmálaflokkanna Maðurinn kominn í leitirnar Verði bylting að geta fylgst með námsframvindu barna í rauntíma NEL tekur fyrir mál fjölskyldu Sigurðar Kristófers í júní Fólki sé vel treystandi til að fá sér bjór á íþróttaviðburðum Græddu á hjólinu í fyrra og vilja endurtaka leikinn Svona verður Sæbraut í stokki Súkkulaði sviðakjammar rjúka út á Selfossi Fær þyngri dóm fyrir að nauðga konu, taka það upp og senda henni Margt sem hægt sé að læra af Svíum í baráttunni gegn mansali Mál hættulegra fyrrverandi fanga endi alltaf eins Þjónusta hjálparsímans tryggð Mannskæður eldsvoði, garður ofan á Sæbraut og sviðakjammakaka Ákærður fyrir að ráðast á leigubílstjóra Grímur sjálfkjörinn í sæti Ingvars Tæp tvö þúsund ný leikskólapláss í Reykjavík á næstu fimm árum Einn lést í brunanum á Hjarðarhaga Alvarlega særður en ekki í lífshættu eftir árás í Úlfarsárdal Blanda af „Mikka mús og íþróttaálfinum“ ógni lýðheilsu Sakar Guðrúnu um sjúklega þráhyggju Stokkur fjarlægi gjána sem skilji að Vogahverfin Sjá meira
Reynir Örn var sakfelldur fyrir brot gegn sóttvarnalögum, akstur undir áhrifum ávana- og fíkniefna og sviptur ökuréttindum, vörslu fíkniefna og frammistöðubætandi efna og brot gegn valdstjórninni. Sóttvarnalagabrotið framdi hann þegar hann var smitaður af Covid-19 og átti að vera í einangrun á Akureyri. Lögreglumaður hafði afskipti af honum þar sem hann sat í kyrrstæðum bíl við verslunarmiðstöð í Borgarnesi að nóttu til í október 2020. Eftir að leiðir þeirra skildi komst lögreglumaðurinn að raun um að Reynir Örn hefði verið sviptur ökuréttindum vegna fyrri brota og að hann ætti að vera í einangrun á Akureyri. Tilkynnti hann lögreglunni á Akureyri um það. Bílnúmer bifreiðar hans var þá vaktað og fékk lögregla boð um að henni hefði verið ekið inn á Akureyri snemma um morguninn. Þegar lögreglumenn fóru að húsnæði sem þeir vissu að Reynir Örn hefði til umráða sáu þeir á eftir honum og bílinn í lausagangi fyrir utan. Engu að síður neitaði Reynir Örn að hann hefði ekið bifreiðinni eða farið út. Rannsókn lögreglu leiddi í ljós að Reynir Örn hefði keypt bifreiðina á Reykjanesi áður en afskipti voru höfð af honum í Borgarnesi. Hann var sakfelldur fyrir brot á sóttvarnalögum og fyrir að hafa ekið bifreiðinni sviptur ökurétttindum. Hótaði að drepa lögreglumenn Ákæra fyrir brot gegn valdstjórninni varðaði uppákomu í júlí í fyrra þegar lögreglumenn höfðu afskipti af Reyni Erni á Akureyri. Tilkynnt hafði verið um æstan mann að ráðast að konu og að hann hefði brotið bílrúðu. Lögreglumenn báru að Reynir Örn hefði þegar veist að þeim. Hann hafi verið mjög æstur og í annarlegu ástandi. Hlýddi hann ekki fyrirmælum lögreglu og hótaði ítrekað að drepa lögreglumennina. „Ég drep ykkur öll ein daginn, einn daginn drep ég ykkur,“ heyrðist hann meðal annars segja á upptöku úr búkmyndavél lögreglumanns. Játaði Reynir Örn á sig vörslu á ýmsum örvandi og frammistöðubætandi efnum, þar á meðal amfetamíni og kókaíni, í nóvember 2020. Ákæruvaldið féll frá ákæru vegna frekari fíkniefnalagabrota sem Reynir Örn játaði á sig á þessu ári. Hegningarauki við fyrri sakadóm Við ákvörðun refsingar var litið til þess að brotin hefðu öll verið framin fyrir uppsögu dóms sem hann hlaut í október í fyrra fyrir að aka undir áhrifum fíkniefna og sviptur ökurétti. Þau brot voru rof á skilorði og því eldri dómur frá 2017 tekinn upp aftur og Reyni Erni gerð refsing í einu lagi. Sá dómur varðaði þjófnað, tilraun til þjófnaðar, vörslu fíkniefna, tollalagabrot, nytjastuld, eignaspjöll, húsbrot, hótanir, líkamsárás, akstur undir áhrifum fíkniefna og án ökuréttinda. Reyni Erni var því dæmdur hegningarauki við dóminn frá því í fyrra og honum gerð refsing í einu lagi. Var refsing hans ákveðin tvö ár og níu mánuðir í fangelsi. Í ljósi þess að um hegningarauka við dóm sem var skilorðbundinn að hluta taldi dómurinn rétt að skilorðsbinda þrjátíu mánuði af refsingunni til þriggja ára. Ítrekuð var fyrri svipting hans á ökurétti ævilangt.
Dómsmál Faraldur kórónuveiru (COVID-19) Fíkniefnabrot Mest lesið Fólk veltir fyrir sér hvort Áslaug Arna hafi verið slompuð í ræðustól Innlent Maðurinn kominn í leitirnar Innlent Skoða hvort eitthvað saknæmt hafi átt sér stað Innlent Annar látinn eftir eldsvoðann á Hjarðarhaga Innlent Fær þyngri dóm fyrir að nauðga konu, taka það upp og senda henni Innlent Fólki sé vel treystandi til að fá sér bjór á íþróttaviðburðum Innlent NEL tekur fyrir mál fjölskyldu Sigurðar Kristófers í júní Innlent Íslendingur í Bandaríkjunum: „Þetta er mjög óþægileg staða“ Erlent Hvetja Íslendinga í Harvard til að hafa samband Erlent Lagði Livio sem þarf að punga út 25 milljónum króna Innlent Fleiri fréttir Annar látinn eftir eldsvoðann á Hjarðarhaga Lagði Livio sem þarf að punga út 25 milljónum króna Stefna að opnun nýs hjúkrunarheimilis á Akureyri árið 2028 Framkvæmdir í tómri Árbæjarlaug ganga vel Fólk veltir fyrir sér hvort Áslaug Arna hafi verið slompuð í ræðustól Ný samræmd próf taki ekki yfir skólastarfið eins og þau gömlu Upptök eldsvoðans í rannsókn og nemar við Harvard áhyggjufullir Skoða hvort eitthvað saknæmt hafi átt sér stað Bein útsending: Að eldast á Íslandi Lítil hreyfing á fylgi stjórnmálaflokkanna Maðurinn kominn í leitirnar Verði bylting að geta fylgst með námsframvindu barna í rauntíma NEL tekur fyrir mál fjölskyldu Sigurðar Kristófers í júní Fólki sé vel treystandi til að fá sér bjór á íþróttaviðburðum Græddu á hjólinu í fyrra og vilja endurtaka leikinn Svona verður Sæbraut í stokki Súkkulaði sviðakjammar rjúka út á Selfossi Fær þyngri dóm fyrir að nauðga konu, taka það upp og senda henni Margt sem hægt sé að læra af Svíum í baráttunni gegn mansali Mál hættulegra fyrrverandi fanga endi alltaf eins Þjónusta hjálparsímans tryggð Mannskæður eldsvoði, garður ofan á Sæbraut og sviðakjammakaka Ákærður fyrir að ráðast á leigubílstjóra Grímur sjálfkjörinn í sæti Ingvars Tæp tvö þúsund ný leikskólapláss í Reykjavík á næstu fimm árum Einn lést í brunanum á Hjarðarhaga Alvarlega særður en ekki í lífshættu eftir árás í Úlfarsárdal Blanda af „Mikka mús og íþróttaálfinum“ ógni lýðheilsu Sakar Guðrúnu um sjúklega þráhyggju Stokkur fjarlægi gjána sem skilji að Vogahverfin Sjá meira